Balqashtyń ortalyq saiabaǵynda «Taza Qazaqstan» respýblikalyq ekologiialyq aktsiiasy aiasynda aýmaqty kógaldandyrý sharasy ótti. Joba aiasynda 2 500 aǵash, onyń ishinde 500 qaraǵash jáne 2 000 piramidaly terek otyrǵyzý qolǵa alyndy. Barlyq otyrǵyzý jumystaryn qazan aiynyń sońyna deiin aiaqtaý josparlanǵan.
Jobanyń bastamashysy – «Qazaqmys» korporatsiiasy. Is-sharaǵa «Qazaqmys» korporatsiiasynyń Basqarma tóraǵasy Rýslan Óskenáli men Balqash qalasynyń ákimi Saian Muratuly qatysty.
Kógaldandyrý jumysy biiktigi 2,5 metr bolatyn, topyraq túiirshigimen qazyp alynǵan iri kólemdi kóshetterdi paidalaný arqyly júrgizilýde. Joba aiasynda aǵash otyrǵyzylatyn oryndar daiyndalyp, tamshylatyp sýarý júiesi qarastyryldy jáne alǵashqy sýarý jumysy atqaryldy.
Jobany qarjylandyrýdyń jalpy kólemi – 57,5 mln teńge. Qarajat aýmaqty daiyndaýǵa, kóshetterdi jetkizý men otyrǵyzýǵa, sýarý júiesin ornatýǵa jáne basqa da qajetti jumystarǵa baǵyttaldy.
Foto: Qazaqmys
Jańa jasyl aimaq ortalyq saiabaqtyń bir bóligine ainalyp, ony odan ári abattandyrýǵa yqpal etedi. Joba qoǵamdyq keńistikti damytýǵa, qalalyq ortanyń jailylyǵyn arttyrýǵa jáne Balqash turǵyndarynyń demalysyna qolaily jaǵdai jasaýǵa baǵyttalǵan.
Qazaqmys óziniń qatysy bar óńirlerde ekologiialyq jáne áleýmettik bastamalardy iske asyrýdy jalǵastyryp, qoǵamdyq keńistikterdi abattandyrýǵa jáne qalalyq infraqurylymdy damytýǵa erekshe kóńil bólýde.
