Memlekettik biýdjettiń shyǵystary 98,8%, respýblikalyq biýdjettiń shyǵystary – 99,2, jergilikti biýdjetterdiń shyǵystary 98,8% atqaryldy. Bul týraly QR Qarjy ministri Erulan Jamaýbaev aityp berdi, dep habarlaidy QazAqparat.
«Ótken jyldyń uqsas kezeńimen salystyrǵanda biýdjetterdiń barlyq deńgeilerinde atqarylý kórsetkishi joǵary. Respýblikalyq biýdjet boiynsha somasy 5,9 trln teńgege shyǵystar júrgizildi. Atqarylmaý 49 mlrd teńgeni qurady, onyń ishinde 11 mlrd teńge únemdelgen. Al 38 mlrd teńge igerilmegen», - dedi Qarjy ministri búgingi Úkimet otyrysynda.
Igerilmeýdiń neǵurlym iri somalary Densaýlyq saqtaý, Aýyl sharýashylyǵy, Ishki ister, Qarjy, Tsifrlyq damý, innovatsiialar jáne aeroǵarysh ónerkásibi ministrlikterinde baiqalǵan.
«Igerilmeýdiń negizgi sebepteri: tólem qujattaryn uzaq kelisý, konkýrstyq rásimderdiń uzaq ótkizilýi, oryndalǵan jumystar aktileriniń, shot-faktýralardyń ýaqytyly usynylmaýy, sharttardy uzaq maquldaý, esepti aida qarajattyń shyǵyndalýyna qajettiliktiń bolmaýy», - dep túsindirdi Jamaýbaev.
Jergilikti biýdjetterdiń shyǵystary 2,8 trln teńgeni qurady jáne 34 mlrd teńge atqarylmaǵan.
«Biyl óńirlerge 1,9 trln teńge nysanaly transfertter kózdelgen. Olarǵa 1 maýsymǵa 646 mlrd teńge bólingen. Onyń 97,5%-i igerilgen. 16 mlrd teńge atqarylmaǵan, onyń ishinde 2 mlrd teńge – únemdeý, 14 mlrd teńge igerilmedi. Eń kóp igerilmeý: Almaty, Nur-Sultan, Shymkent qalalarynda jáne Batys Qazaqstan, Shyǵys Qazaqstan oblystarynda qalyptasty», - dedi Qarjy ministri.
