مەملەكەتتٸك بيۋدجەتتٸڭ شىعىستارى 98,8%, رەسپۋبليكالىق بيۋدجەتتٸڭ شىعىستارى – 99,2, جەرگٸلٸكتٸ بيۋدجەتتەردٸڭ شىعىستارى 98,8% اتقارىلدى. بۇل تۋرالى قر قارجى مينيسترٸ ەرۇلان جاماۋباەۆ ايتىپ بەردٸ, دەپ حابارلايدى قازاقپارات.
«ٶتكەن جىلدىڭ ۇقساس كەزەڭٸمەن سالىستىرعاندا بيۋدجەتتەردٸڭ بارلىق دەڭگەيلەرٸندە اتقارىلۋ كٶرسەتكٸشٸ جوعارى. رەسپۋبليكالىق بيۋدجەت بويىنشا سوماسى 5,9 ترلن تەڭگەگە شىعىستار جٷرگٸزٸلدٸ. اتقارىلماۋ 49 ملرد تەڭگەنٸ قۇرادى, ونىڭ ٸشٸندە 11 ملرد تەڭگە ٷنەمدەلگەن. ال 38 ملرد تەڭگە يگەرٸلمەگەن», - دەدٸ قارجى مينيسترٸ بٷگٸنگٸ ٷكٸمەت وتىرىسىندا.
يگەرٸلمەۋدٸڭ نەعۇرلىم ٸرٸ سومالارى دەنساۋلىق ساقتاۋ, اۋىل شارۋاشىلىعى, ٸشكٸ ٸستەر, قارجى, تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸكتەرٸندە بايقالعان.
«يگەرٸلمەۋدٸڭ نەگٸزگٸ سەبەپتەرٸ: تٶلەم قۇجاتتارىن ۇزاق كەلٸسۋ, كونكۋرستىق رەسٸمدەردٸڭ ۇزاق ٶتكٸزٸلۋٸ, ورىندالعان جۇمىستار اكتٸلەرٸنٸڭ, شوت-فاكتۋرالاردىڭ ۋاقىتىلى ۇسىنىلماۋى, شارتتاردى ۇزاق ماقۇلداۋ, ەسەپتٸ ايدا قاراجاتتىڭ شىعىندالۋىنا قاجەتتٸلٸكتٸڭ بولماۋى», - دەپ تٷسٸندٸردٸ جاماۋباەۆ.
جەرگٸلٸكتٸ بيۋدجەتتەردٸڭ شىعىستارى 2,8 ترلن تەڭگەنٸ قۇرادى جەنە 34 ملرد تەڭگە اتقارىلماعان.
«بيىل ٶڭٸرلەرگە 1,9 ترلن تەڭگە نىسانالى ترانسفەرتتەر كٶزدەلگەن. ولارعا 1 ماۋسىمعا 646 ملرد تەڭگە بٶلٸنگەن. ونىڭ 97,5%-ٸ يگەرٸلگەن. 16 ملرد تەڭگە اتقارىلماعان, ونىڭ ٸشٸندە 2 ملرد تەڭگە – ٷنەمدەۋ, 14 ملرد تەڭگە يگەرٸلمەدٸ. ەڭ كٶپ يگەرٸلمەۋ: الماتى, نۇر-سۇلتان, شىمكەنت قالالارىندا جەنە باتىس قازاقستان, شىعىس قازاقستان وبلىستارىندا قالىپتاستى», - دەدٸ قارجى مينيسترٸ.
