QR Sybailas jemqorlyqqa qarsy is-qimyl agenttigi Ishki ister organdaryndaǵy jemqorlyq qylmystar monitoringiniń qorytyndysyn jariialady, dep habarlaidy QazAqparat.
«Ishki ister organdary júiesindegi tergeýshiler, ýchaskelik inspektorlar, jol-patýrldik qyzmet inspektorlary qylmystar men buzýshylyqtardyń betin jabý úshin para alyp otyrǵan. Túzetý júiesiniń qyzmetkerleri kóbinese sottalǵandardy «jeńildetilgen» jaǵdaimen qamtamasyz etý úshin (telefon qoldaný, jumysqa ornalastyrý, tyiym salynǵan zattardy tasymaldaý), probatsiia baqylaýyndaǵy adamdardyń oblys aýmaǵynan tys jerlerge shyǵýyn jyldamdatý syiaqy alǵan», - dedi Preventsiia departamentiniń basshysy Anar Jarova agenttiktiń baspasóz ortalyǵynda ótken brifingte.
Onyń aitýynsha, tótenshe jaǵdailar bólimsheleriniń qyzmetkerleri de jemqorlyqtan shet qalmaǵan. Olar órt qaýipsizdigi talaptaryn saqtamaǵany úshin, sondai-aq jumysqa qabyldaý kezinde jalpy qamqorlyq kórsetkeni úshin zańsyz qarajatqa ie bolǵan.
Sonymen birge, spiker politsiiadaǵy sybailas jemqorlyq qylmystarynyń respýblikanyń barlyq óńirlerine tán ekenin, biraq sońǵy bir jylda sottalǵandardyń eń kóp sany Nur-Sultan (42 qyzmetker), Almaty (26), Shymkent (23) jáne Jambyl oblysynyń (19) qalalaryndaǵy politsiia departamentterde bolǵanyn atap ótti.
