«Otbasy bank» AQ basshysy Lázzat Ibragimova qai oblysta zeinetaqy jinaǵynyń bir bóligin alý ótinimderi kóbirek maquldanǵanyn aityp berdi, dep habarlaidy "Ult aqparat".
Prezident janyndaǵy Ortalyq kommýnikatsiialar qyzmetinde ótken baspasóz máslihatynda bank basshysyna BAQ ókilinen «qai oblysta zeinetaqy jinaǵynyń bir bóligin alý ótinimderi kóbirek maquldandy?» dep suraq qoiyldy.
«Almaty - ótinimderdi maquldaý jaǵynan jáne zeinetaqy jinaqtary boiynsha absoliýtti kóshbasshy», - dedi Lázzat Ibragimova.
Aita ketsek, buǵan deiin «Otbasy bank» AQ basshysy zeinetaqy jinaǵy eń kóp 4 óńirdi ataǵan bolatyn.
«658 mlrd teńge! Almaty qalasyndaǵy salymshylar (zeinetaqynyń bir bóligin paidalana alatyn azamattardyń jalpy jinaǵy) jinaǵan zeinetaqy qory osyndai. Ekinshi orynda – Mańǵystaý oblysy. Ol óńirdiń halqynyń zeinetaqy qoryndaǵy jalpy jinaǵy 397 mlrd teńge. Úshinshi orynda – Nur-Sultan qalasy. Elordada baǵdarlamaǵa qatysa alatyn azamattardyń jalpy zeinetaqy jinaǵy 325,9 mlrd teńge (13,3 paiyz). Tórtinshi orynda – Atyraý oblysy (257,4 mlrd teńge) – 10,4 paiyz. Osy tórt óńirdiń halqy zeinetaqy jinaǵyn paidalana alatyn azamattardyń 70 paiyzdan astamyn qurap otyr», - degen edi Lázzat Ibragimova Ortalyq kommýnikatsiialar qyzmetinde ótken baspasóz máslihatynda.
