«وتباسى بانك» اق باسشىسى لەززات يبراگيموۆا قاي وبلىستا زەينەتاقى جيناعىنىڭ بٸر بٶلٸگٸن الۋ ٶتٸنٸمدەرٸ كٶبٸرەك ماقۇلدانعانىن ايتىپ بەردٸ, دەپ حابارلايدى "ۇلت اقپارات".
پرەزيدەنت جانىنداعى ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا بانك باسشىسىنا باق ٶكٸلٸنەن «قاي وبلىستا زەينەتاقى جيناعىنىڭ بٸر بٶلٸگٸن الۋ ٶتٸنٸمدەرٸ كٶبٸرەك ماقۇلداندى?» دەپ سۇراق قويىلدى.
«الماتى - ٶتٸنٸمدەردٸ ماقۇلداۋ جاعىنان جەنە زەينەتاقى جيناقتارى بويىنشا ابسوليۋتتٸ كٶشباسشى», - دەدٸ لەززات يبراگيموۆا.
ايتا كەتسەك, بۇعان دەيٸن «وتباسى بانك» اق باسشىسى زەينەتاقى جيناعى ەڭ كٶپ 4 ٶڭٸردٸ اتاعان بولاتىن.
«658 ملرد تەڭگە! الماتى قالاسىنداعى سالىمشىلار (زەينەتاقىنىڭ بٸر بٶلٸگٸن پايدالانا الاتىن ازاماتتاردىڭ جالپى جيناعى) جيناعان زەينەتاقى قورى وسىنداي. ەكٸنشٸ ورىندا – ماڭعىستاۋ وبلىسى. ول ٶڭٸردٸڭ حالقىنىڭ زەينەتاقى قورىنداعى جالپى جيناعى 397 ملرد تەڭگە. ٷشٸنشٸ ورىندا – نۇر-سۇلتان قالاسى. ەلوردادا باعدارلاماعا قاتىسا الاتىن ازاماتتاردىڭ جالپى زەينەتاقى جيناعى 325,9 ملرد تەڭگە (13,3 پايىز). تٶرتٸنشٸ ورىندا – اتىراۋ وبلىسى (257,4 ملرد تەڭگە) – 10,4 پايىز. وسى تٶرت ٶڭٸردٸڭ حالقى زەينەتاقى جيناعىن پايدالانا الاتىن ازاماتتاردىڭ 70 پايىزدان استامىن قۇراپ وتىر», - دەگەن ەدٸ لەززات يبراگيموۆا ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
