Almaty qalasynyń ákimi Baqytjan Saǵyntaev Úkimet basshysy men ákim bolýdyń aiyrmashyly jaily oiymen bólisti, dep habarlaidy "Ult aqparat".
Almaty qalasy ákiminen OKQ-da ótken baspasóz máslihatynda «Premer-ministr men ákim laýazymynyń aiyrmashylyǵyn sezip jatyrsyz ba?» degen suraq qoiylǵan edi.
«Premer-ministr bolmai turyp ta ákim bolǵanmyn. Pavlodar oblysynda qyzmette boldym. Ákim bolyp, premerlikke – keiin qaita ákimdikke keldim. Mundai jumys istesek, sharshaý degen bolmaý kerek. Shabyttana atqarǵan abzal. Qai qyzmette bolsań da jan-tánińdi berip jumys istemeseń, otyrǵan orynnan eshqandai paida bolmaidy. Másele bastyq bolǵanda emes. Qai qyzmette otyrsań da osy», - dedi Baqytjan Saǵyntaev.
Almaty qalasynyń ákimi óz sózinde ózine úlken senim artylyp otyrǵanyn aityp ótti.
«Senimdi aqtaý kerek. Halyqtyń úmiti zor. Mysaly, Úkimet basshysynan keiin ákimniń múmkindigi joǵary. Óitkeni, seniń kózqarasyń basqasha. Premer bolǵanda búkil Qazaqstannyń ekonomikasyn qarap otyrdym. Al munda sheshim shyǵarý qabiletiń basqasha qalyptasady. Úlken tájiribeden ótesiń. Bul jóninde jasaǵan bes aidyń ishinde baǵdarlamalarymyz – Úkimette jinalǵan tájiribeniń nátijesi», - dedi ol.
