Balalar qalalyq klinikalyq juqpaly aýrýlar aýrýhanasynyń dáriger-sarapshysy, balalar infektsiiasy kafedrasynyń meńgerýshisi, Ǵaliia Quttyqojanova onlain brifing barysynda Kavasaki sindromynyń belgileri týraly aityp berdi QazAqparat.
Dárigerdiń sózinshe, COVID-19 uqsaityn aýrý kópjúieli qabyný sindromy dep atalady.
«Kavasaki sindromy sáýir aiynda paida boldy. Bul balalardyń immýndyq júiesiniń qabynýynan bolǵan. Onyń belgileri: dene qyzýynyń kóterilýi, jótel, qan qysymynyń tómendeýi, ishek aýrýy, aiaq-qol isinýi múmkin, tynys alý qiyndaidy, júrek soǵýy jiileidi», - deidi Ǵaliia Quttyqojanova.
Sonymen qatar, ol Kavasaki sindromy - eki jasqa deiingi balalarda jii kezdesetinin aitty.
«Negizinde kavasaki sindromy kishkentai balalarda jii kezdesedi. Alaida, Ulybritaniiada 14 jastaǵy bala osy aýrýdan qaitys boldy. Bul aýrý, ásirese, koronavirýs kóp taraǵan elderde beleń alýda. Ol bizdiń elde de tirkeldi, sondyqtan ondai aýrýmen kelip túsetinderdi qabyldaýǵa qazirden daiyn bolýymyz kerek. Bul aýrý koronavirýstyń joǵary sheginen 5-6 apta ótken soń tirkelgen. Iaǵni ony koronavirýstan keiingi sindrom dep qabyldaýǵa bolady», - dedi sarapshy dáriger.
Dáriger balalardy adam kóp shoǵyrlanatyn jerge aparmaýǵa keńes berdi.
«Qazir adamdarmen qarym-qatynasty barynsha azaitý kerek. Eger adam kóp júretin jerge baryp jatsa mindetti túrde maska taǵyp, áleýmettik qashyqtyqty saqtaǵan durys. Odan bólek balany kópshilik oryndarda tamaqtandyrmai tura turǵan jón. Bastysy, balanyń immýnitetin kóterýge kúsh salý kerek. Durys tamaqtaný qajet», - deidi spiker.
