بالالار قالالىق كلينيكالىق جۇقپالى اۋرۋلار اۋرۋحاناسىنىڭ دەرٸگەر-ساراپشىسى, بالالار ينفەكتسيياسى كافەدراسىنىڭ مەڭگەرۋشٸسٸ, عالييا قۇتتىقوجانوۆا ونلاين بريفينگ بارىسىندا كاۆاساكي سيندرومىنىڭ بەلگٸلەرٸ تۋرالى ايتىپ بەردٸ قازاقپارات.
دەرٸگەردٸڭ سٶزٸنشە, COVID-19 ۇقسايتىن اۋرۋ كٶپجٷيەلٸ قابىنۋ سيندرومى دەپ اتالادى.
«كاۆاساكي سيندرومى سەۋٸر ايىندا پايدا بولدى. بۇل بالالاردىڭ يممۋندىق جٷيەسٸنٸڭ قابىنۋىنان بولعان. ونىڭ بەلگٸلەرٸ: دەنە قىزۋىنىڭ كٶتەرٸلۋٸ, جٶتەل, قان قىسىمىنىڭ تٶمەندەۋٸ, ٸشەك اۋرۋى, اياق-قول ٸسٸنۋٸ مٷمكٸن, تىنىس الۋ قيىندايدى, جٷرەك سوعۋى جيٸلەيدٸ», - دەيدٸ عالييا قۇتتىقوجانوۆا.
سونىمەن قاتار, ول كاۆاساكي سيندرومى - ەكٸ جاسقا دەيٸنگٸ بالالاردا جيٸ كەزدەسەتٸنٸن ايتتى.
«نەگٸزٸندە كاۆاساكي سيندرومى كٸشكەنتاي بالالاردا جيٸ كەزدەسەدٸ. الايدا, ۇلىبريتانييادا 14 جاستاعى بالا وسى اۋرۋدان قايتىس بولدى. بۇل اۋرۋ, ەسٸرەسە, كوروناۆيرۋس كٶپ تاراعان ەلدەردە بەلەڭ الۋدا. ول بٸزدٸڭ ەلدە دە تٸركەلدٸ, سوندىقتان ونداي اۋرۋمەن كەلٸپ تٷسەتٸندەردٸ قابىلداۋعا قازٸردەن دايىن بولۋىمىز كەرەك. بۇل اۋرۋ كوروناۆيرۋستىڭ جوعارى شەگٸنەن 5-6 اپتا ٶتكەن سوڭ تٸركەلگەن. ياعني ونى كوروناۆيرۋستان كەيٸنگٸ سيندروم دەپ قابىلداۋعا بولادى», - دەدٸ ساراپشى دەرٸگەر.
دەرٸگەر بالالاردى ادام كٶپ شوعىرلاناتىن جەرگە اپارماۋعا كەڭەس بەردٸ.
«قازٸر ادامدارمەن قارىم-قاتىناستى بارىنشا ازايتۋ كەرەك. ەگەر ادام كٶپ جٷرەتٸن جەرگە بارىپ جاتسا مٸندەتتٸ تٷردە ماسكا تاعىپ, ەلەۋمەتتٸك قاشىقتىقتى ساقتاعان دۇرىس. ودان بٶلەك بالانى كٶپشٸلٸك ورىنداردا تاماقتاندىرماي تۇرا تۇرعان جٶن. باستىسى, بالانىڭ يممۋنيتەتٸن كٶتەرۋگە كٷش سالۋ كەرەك. دۇرىس تاماقتانۋ قاجەت», - دەيدٸ سپيكەر.
