Britaniialyq British Broadcasting Company kompaniiasy N tobyna túsken Qazaqstan quramasy jaily aqparat bólisti, dep habarlaidy Vesti.kz agenttigi.
Bul topta qazaqstandyqtardan bólek, Daniia, Finliandiia, Sloveniia, Soltústik Irlandiia jáne San-Marino komandalary bar.
"FIFA reitinginde: 113-oryn. Bas bapker: Magomed Adiev. Kapitan: Ashat Taǵybergen. Qaýipti oiynshy: Bahtier Zainýtdinov.
N tobynda Qazaqstan jumbaq komanda bolyp sanalady.
Oiynshylarynyń kóbi ishki chempionattarynda dop tebedi. Alaida 24 jastaǵy TsSKA jartylai qorǵaýshysy qaýipti. Qurama sapynda ótkizgen 24 matchta 10 gol soqqan.
Qazaqstan komandasy Eýropada reitingi eń tómen ujym bolǵanymen, Ulttar ligasynyń V divizionyna (4 jeńis) joldama aldy. Sondyqtan bul qarsylastan qaýiptený kerek.
Soltústik Irlandiia Qazaqstan fýtbolshylarymen eshqashan kezdespegen. Bul eki qurama arasyndaǵy alǵashqy kezdesý bolmaq", - delingen jazbada.
Eske salaiyq, Magomed Adiev baptaityn "qarshyǵalar" Eýro-2024 irikteý týrnirin 2022 jyldyń 23 naýryzynda óz alańynda Sloveniiaǵa qarsy kezdesýden bastaidy.
