Qaýipsizdik sertifikaty aiasynda abonetterdiń jeke derekterin jinaý júzege asyrylmaidy. Bul týraly Ortalyq kommýnikatsiialar qyzmetinde QR Tsifrlyq damý, innovatsiialar jáne aeroǵarysh ónerkásibi ministri Asqar Jumaǵaliev málim etti, dep habarlaidy QazAqparat tilshisi.
Baspasóz máslihatynda «qaýipsizdik sertifikatyn ornatqannan keiin jeke tulǵalardyń málimetteri qandai da bir jerde saqtala ma?» degen saýal qoiyldy.
Óz kezeginde A. Jumaǵaliev bul sertifikattyń abonentter telefondaryndaǵy derekterine qoljetimdigi joq ekenin atap ótti.
«Adamdardyń jeke málimetteri eshkimge de berilmeidi. Óitkeni bul turǵyda eshkim de aqparat jinamaidy. Qaýipsizdik sertifikaty tek filtr qyzmetin ǵana atqarady, sáikesinshe, onda aqparat jinaý eskerilmegen», - dep túsindirdi ministr.
Budan buryn habarlanǵandai, Asqar Jumaǵaliev búginde internette quqyqqa qaishy kontent kóptep kezdesetinin, sondai-aq kiberlik qaterler de bar ekenin atap ótti.
Osy oraida tiisti qorǵanysty qamtamasyz etý úshin qaýipsizdik sertifikaty iske qosylady. Atalǵan sertifikat resýrsty emes, naqty quqyqqa qaishy kontentti shekteidi.
