قاۋٸپسٸزدٸك سەرتيفيكاتى اياسىندا ابونەتتەردٸڭ جەكە دەرەكتەرٸن جيناۋ جٷزەگە اسىرىلمايدى. بۇل تۋرالى ورتالىق كوممۋنيكاتسييالار قىزمەتٸندە قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ اسقار جۇماعاليەۆ مەلٸم ەتتٸ, دەپ حابارلايدى قازاقپارات تٸلشٸسٸ.
باسپاسٶز مەسليحاتىندا «قاۋٸپسٸزدٸك سەرتيفيكاتىن ورناتقاننان كەيٸن جەكە تۇلعالاردىڭ مەلٸمەتتەرٸ قانداي دا بٸر جەردە ساقتالا ما?» دەگەن ساۋال قويىلدى.
ٶز كەزەگٸندە ا. جۇماعاليەۆ بۇل سەرتيفيكاتتىڭ ابونەنتتەر تەلەفوندارىنداعى دەرەكتەرٸنە قولجەتٸمدٸگٸ جوق ەكەنٸن اتاپ ٶتتٸ.
«ادامداردىڭ جەكە مەلٸمەتتەرٸ ەشكٸمگە دە بەرٸلمەيدٸ. ٶيتكەنٸ بۇل تۇرعىدا ەشكٸم دە اقپارات جينامايدى. قاۋٸپسٸزدٸك سەرتيفيكاتى تەك فيلتر قىزمەتٸن عانا اتقارادى, سەيكەسٸنشە, وندا اقپارات جيناۋ ەسكەرٸلمەگەن», - دەپ تٷسٸندٸردٸ مينيستر.
بۇدان بۇرىن حابارلانعانداي, اسقار جۇماعاليەۆ بٷگٸندە ينتەرنەتتە قۇقىققا قايشى كونتەنت كٶپتەپ كەزدەسەتٸنٸن, سونداي-اق كيبەرلٸك قاتەرلەر دە بار ەكەنٸن اتاپ ٶتتٸ.
وسى ورايدا تيٸستٸ قورعانىستى قامتاماسىز ەتۋ ٷشٸن قاۋٸپسٸزدٸك سەرتيفيكاتى ٸسكە قوسىلادى. اتالعان سەرتيفيكات رەسۋرستى ەمەس, ناقتى قۇقىققا قايشى كونتەنتتٸ شەكتەيدٸ.
