Foto: QR Tótenshe jaǵdailar ministrligi
"Aqkent" nege órtke orandy?
Keshe órt shalǵan “Aqkenttegi” úide apam men jienderim turady. Besinshi qabatta. Órt sol bes pen altynshy qabattarda bolǵanǵa uqsaidy. Lift shahtasy men ondaǵy kabelder órtengen sekildi.
"Bir iis kele bastady. Saǵat tórttiń kezi. Páterdiń esigin ashsam, qoiý tútin, dym kórinbeidi. Mamamdy aldym da, shúberekke sý búrkip, tumshalandyq ta balkonǵa shyǵyp, órt sóndirý qyzmetine habarlastyq", - deidi jienim.
Bul keshende deni qazaqtar turady. Kóbi membaǵdarlamamen alǵan: kóp balaly analar, jastar. Jazdyń kezi, balalar úide. Lift alańyn tútin shalmaǵan qabatta turatyndar shamasy baspaldaqpen ózderi túsken.
Apam men jienim balkonda biraz turǵan. Ý-shý. Balkondardan sekirip jatqan. Bir ýaqytta órt sóndirýshiler kelip, balkonnyń terezesi arqyly satymen túsirip alǵan. Besinshi qabattan. Birneshe satyny jalǵap, ár tusynan bir-bir adam ustap, teńselip turǵan satymen áreń túsken. Qudai saqtady dep otyr. Qurylysshylar kelip kómektesken. Osydan shyǵatyn qorytyndy.
1. Úidiń sapasy. Eger órt tuiyqtalǵan toqtan bolsa, demek ony biligi tómen bireý istegen. Qurylys kompaniialarynda árbir jumysty qaita tekserip otyratyn sapa menedjmenti joq. Qurylysty qabyldaityn avtorlyq baqylaý men tehbaqylaý kózdi jumyp qol qoiady. Ony memlekettik organdardyń qalai qabyldap alatynyn bilemiz.
2. Órt qaýipsizdigi. Balkonda tómen túsetin teppeshik bar. Biraq, qazaq dese ózińe tiedi, onyń ústine shkaf jasap, sandyq qoiyp, laqtyrýǵa qimaityn qajeti joq zattardy jinap, ony jaýap tastaimyz. Eger sol tómen túsetin temir tereze ashyq bolǵanda, keshe balalardy laqtyrmai-aq balkonnan balkonǵa tómen túsýge bolar edi. Oǵan MIB-tiń (OSI) tóraǵasy da mán bermeidi, órt qaýipsizdigi qyzmeti de teksermeidi.
3. Órtten qorǵaýshylar jyldam kelmegen sekildi. Kelgen bolsa, turǵyndar kilem kerip, balkonnan adamdardy qaǵyp alýǵa uiymdaspas edi. Kelgen kúnniń ózinde joǵarydaǵylardy túsirip alatyn iia uzyn saty joq, iia arnaiy tehnika joq.
P.S. Budan shyǵatyn qorytyndy: eger bir turǵyn úidiń birneshe qabatynan shyqqan tútin (jalyndaǵan órt bolmaǵan sekildi, kabelder kúiip qara tútin shyqqan) osyndai tragediiaǵa alyp kelgen bolsa, Qudai saqtasyn, qatty jer silkinse, qyrylyp qalǵandai ekenbiz.
P.P.S. Almatylyqtar qyzyq eken, ákim qaida dep shýlap jatqan joq, bir-birine kómektesip ózderimen ózderi shapqylap júr. Shymkentte bolsa, áńgime ákim qaidadan bastalyp, qala ákimi basynda júrmese, halyq jep qoiar edi.
Ne de bolsa, halqymyz qaterden aman bolsyn!
Shyńǵys Muqan / Facebook
