فوتو: قر تٶتەنشە جاعدايلار مينيسترلٸگٸ
"اقكەنت" نەگە ٶرتكە وراندى?
كەشە ٶرت شالعان “اقكەنتتەگٸ” ٷيدە اپام مەن جيەندەرٸم تۇرادى. بەسٸنشٸ قاباتتا. ٶرت سول بەس پەن التىنشى قاباتتاردا بولعانعا ۇقسايدى. ليفت شاحتاسى مەن ونداعى كابەلدەر ٶرتەنگەن سەكٸلدٸ.
"بٸر يٸس كەلە باستادى. ساعات تٶرتتٸڭ كەزٸ. پەتەردٸڭ ەسٸگٸن اشسام, قويۋ تٷتٸن, دىم كٶرٸنبەيدٸ. مامامدى الدىم دا, شٷبەرەككە سۋ بٷركٸپ, تۇمشالاندىق تا بالكونعا شىعىپ, ٶرت سٶندٸرۋ قىزمەتٸنە حابارلاستىق", - دەيدٸ جيەنٸم.
بۇل كەشەندە دەنٸ قازاقتار تۇرادى. كٶبٸ مەمباعدارلامامەن العان: كٶپ بالالى انالار, جاستار. جازدىڭ كەزٸ, بالالار ٷيدە. ليفت الاڭىن تٷتٸن شالماعان قاباتتا تۇراتىندار شاماسى باسپالداقپەن ٶزدەرٸ تٷسكەن.
اپام مەن جيەنٸم بالكوندا بٸراز تۇرعان. ۋ-شۋ. بالكونداردان سەكٸرٸپ جاتقان. بٸر ۋاقىتتا ٶرت سٶندٸرۋشٸلەر كەلٸپ, بالكوننىڭ تەرەزەسٸ ارقىلى ساتىمەن تٷسٸرٸپ العان. بەسٸنشٸ قاباتتان. بٸرنەشە ساتىنى جالعاپ, ەر تۇسىنان بٸر-بٸر ادام ۇستاپ, تەڭسەلٸپ تۇرعان ساتىمەن ەرەڭ تٷسكەن. قۇداي ساقتادى دەپ وتىر. قۇرىلىسشىلار كەلٸپ كٶمەكتەسكەن. وسىدان شىعاتىن قورىتىندى.
1. ٷيدٸڭ ساپاسى. ەگەر ٶرت تۇيىقتالعان توقتان بولسا, دەمەك ونى بٸلٸگٸ تٶمەن بٸرەۋ ٸستەگەن. قۇرىلىس كومپانييالارىندا ەربٸر جۇمىستى قايتا تەكسەرٸپ وتىراتىن ساپا مەنەدجمەنتٸ جوق. قۇرىلىستى قابىلدايتىن اۆتورلىق باقىلاۋ مەن تەحباقىلاۋ كٶزدٸ جۇمىپ قول قويادى. ونى مەملەكەتتٸك ورگانداردىڭ قالاي قابىلداپ الاتىنىن بٸلەمٸز.
2. ٶرت قاۋٸپسٸزدٸگٸ. بالكوندا تٶمەن تٷسەتٸن تەپپەشٸك بار. بٸراق, قازاق دەسە ٶزٸڭە تيەدٸ, ونىڭ ٷستٸنە شكاف جاساپ, ساندىق قويىپ, لاقتىرۋعا قيمايتىن قاجەتٸ جوق زاتتاردى جيناپ, ونى جاۋاپ تاستايمىز. ەگەر سول تٶمەن تٷسەتٸن تەمٸر تەرەزە اشىق بولعاندا, كەشە بالالاردى لاقتىرماي-اق بالكوننان بالكونعا تٶمەن تٷسۋگە بولار ەدٸ. وعان ميب-تٸڭ (وسي) تٶراعاسى دا مەن بەرمەيدٸ, ٶرت قاۋٸپسٸزدٸگٸ قىزمەتٸ دە تەكسەرمەيدٸ.
3. ٶرتتەن قورعاۋشىلار جىلدام كەلمەگەن سەكٸلدٸ. كەلگەن بولسا, تۇرعىندار كٸلەم كەرٸپ, بالكوننان ادامداردى قاعىپ الۋعا ۇيىمداسپاس ەدٸ. كەلگەن كٷننٸڭ ٶزٸندە جوعارىداعىلاردى تٷسٸرٸپ الاتىن ييا ۇزىن ساتى جوق, ييا ارنايى تەحنيكا جوق.
P.S. بۇدان شىعاتىن قورىتىندى: ەگەر بٸر تۇرعىن ٷيدٸڭ بٸرنەشە قاباتىنان شىققان تٷتٸن (جالىنداعان ٶرت بولماعان سەكٸلدٸ, كابەلدەر كٷيٸپ قارا تٷتٸن شىققان) وسىنداي تراگەديياعا الىپ كەلگەن بولسا, قۇداي ساقتاسىن, قاتتى جەر سٸلكٸنسە, قىرىلىپ قالعانداي ەكەنبٸز.
P.P.S. الماتىلىقتار قىزىق ەكەن, ەكٸم قايدا دەپ شۋلاپ جاتقان جوق, بٸر-بٸرٸنە كٶمەكتەسٸپ ٶزدەرٸمەن ٶزدەرٸ شاپقىلاپ جٷر. شىمكەنتتە بولسا, ەڭگٸمە ەكٸم قايدادان باستالىپ, قالا ەكٸمٸ باسىندا جٷرمەسە, حالىق جەپ قويار ەدٸ.
نە دە بولسا, حالقىمىز قاتەردەن امان بولسىن!
شىڭعىس مۇقان / Facebook
