Foto: Videodan skrinshot
45 jastaǵy realiti-shoý juldyzy Kim Kardashian uzaq ýaqyt daiyndalǵan Kaliforniia advokattar alqasynyń emtihanyn óte almai qalǵany úshin kóz jasyna erik berdi, dep habarlaidy Ult.kz.Kardashian áleýmettik jelidegi paraqshasynda jariialaǵan toǵyz minýttyq vlogynda emtihanǵa qarqyndy daiyndalǵan eki aptasyn kórsetti. Osy ýaqyt ishinde juldyz barlyq sharýasyn toqtatyp, tek oqýǵa kóńil bólgen.
Kardashian kózine jas alyp, zańgerlik jolynda kezdesken qiyndyqtar týraly ashyq aityp berdi. Ol videoda qatty sharshaǵanyn, alǵa qadam jasaiyn dese únemi birdeńe keri tartyp turatynyn aityp egiledi.
"Men osy joldyń kóp bóligin sizdermen bólistim, al biyl jazda sońǵy eki aptalyq daiyndyq kezeńimdi qorytyndylap, onyń qýanyshty sátteri, qiyndyqtarynyń bárin kórsettim. 7 qarashada men emtihanynan ótpegenimdi bildim. Bul kóńil túsirdi, biraq sońǵy núkte emes. Bul arman men úshin tym mańyzdy, sondyqtan men odan bas tartpaimyn — oqýdy jalǵastyryp, úirenýdi jalǵastyryp, ózim úshin barymdy salýdy toqtatpaimyn, sol sátke jetkenshe", -dep jazdy juldyz óziniń áleýmettik jelidegi paraqshasynda.
