فوتو: ۆيدەودان سكرينشوت
45 جاستاعى رەاليتي-شوۋ جۇلدىزى كيم كارداشيان ۇزاق ۋاقىت دايىندالعان كاليفورنييا ادۆوكاتتار القاسىنىڭ ەمتيحانىن ٶتە الماي قالعانى ٷشٸن كٶز جاسىنا ەرٸك بەردٸ, دەپ حابارلايدى Ult.kz.كارداشيان ەلەۋمەتتٸك جەلٸدەگٸ پاراقشاسىندا جارييالاعان توعىز مينۋتتىق ۆلوگىندا ەمتيحانعا قارقىندى دايىندالعان ەكٸ اپتاسىن كٶرسەتتٸ. وسى ۋاقىت ٸشٸندە جۇلدىز بارلىق شارۋاسىن توقتاتىپ, تەك وقۋعا كٶڭٸل بٶلگەن.
كارداشيان كٶزٸنە جاس الىپ, زاڭگەرلٸك جولىندا كەزدەسكەن قيىندىقتار تۋرالى اشىق ايتىپ بەردٸ. ول ۆيدەودا قاتتى شارشاعانىن, العا قادام جاسايىن دەسە ٷنەمٸ بٸردەڭە كەرٸ تارتىپ تۇراتىنىن ايتىپ ەگٸلەدٸ.
"مەن وسى جولدىڭ كٶپ بٶلٸگٸن سٸزدەرمەن بٶلٸستٸم, ال بيىل جازدا سوڭعى ەكٸ اپتالىق دايىندىق كەزەڭٸمدٸ قورىتىندىلاپ, ونىڭ قۋانىشتى سەتتەرٸ, قيىندىقتارىنىڭ بەرٸن كٶرسەتتٸم. 7 قاراشادا مەن ەمتيحانىنان ٶتپەگەنٸمدٸ بٸلدٸم. بۇل كٶڭٸل تٷسٸردٸ, بٸراق سوڭعى نٷكتە ەمەس. بۇل ارمان مەن ٷشٸن تىم ماڭىزدى, سوندىقتان مەن ودان باس تارتپايمىن — وقۋدى جالعاستىرىپ, ٷيرەنۋدٸ جالعاستىرىپ, ٶزٸم ٷشٸن بارىمدى سالۋدى توقتاتپايمىن, سول سەتكە جەتكەنشە", -دەپ جازدى جۇلدىز ٶزٸنٸڭ ەلەۋمەتتٸك جەلٸدەگٸ پاراقشاسىندا.
