Qazaqstannyń birqatar óńirinde aýa raiynyń qolaisyzdyǵyna bailanysty juma kúni sabaqtar ótkizilmeitin boldy, dep habarlaidy «QazAqparat».
Astanada 26 qańtarda aýa raiynyń kolaisyzdyǵyna bailanysty (qatty aiaz) qala mektepteriniń birinshi jáne ekinshi aýysymyndaǵy 0-11 (12) synyp oqýshylaryna jáne kolledjderdiń 1-2 kýrs stýdentteri úshin sabaq bolmaidy.
Almatyda 26 qańtarda temperatýranyń -25 gradýsqa tómendeýine bailanysty mektepterde 1-9 synyptarǵa sabaq bolmaidy.
Aqmola oblysynda 26 qańtar kúni 33-38 gradýs sýyq bolady. Mektepte 0-11 synyp oqýshylary men kolledjderdiń 1-2 kýrs stýdentteri úshin sabaq toqtatyldy.
Soltústik Qazaqstan oblysynda 26 qańtarda 30-35 gradýs aiazǵa bailanysty 0-den 4 synyp aralyǵynda sabaqtar ótkizilmeitin boldy.
Almaty oblysynda 0-den 4 synyp oqýshylarynyń sabaqtary toqtatyldy.
Jambyl oblysy Bilim basqarmasynyń málimetinshe, aýa raiynyń qolaisyzdyǵyna bailanysty Taraz qalasynda 1-4 synyp oqýshylary oqymaidy.
Sondai-aq, Moiynqum men Sarysý aýdandarynda ǵana bastaýysh synyp oqýshylary úshin sabaq bolmaityny habarlandy.
Shyǵys Qazaqstan pen Pavlodar oblystarynda birinshi jáne ekinshi aýysymdaǵy 1-11 synyp oqýshylaryna, sondai-aq 1-2 kýrs koledj stýdentterine sabaq bolmaidy.
