Búgin - Dúniejúzilik qaterli isikke qarsy kúres kúni. Osyǵan orai Nur-Sultan jáne Almaty qalalaryndaǵy mańyzdy nysandar kók túspen jaryqtandyrylady, dep habarlaidy QazAqparat.
«Halyqaralyq onkologiialyq aýrýlarǵa qarsy kúres jónindegi odaq» (UICC) jariialaǵan. Bul kúnniń maqsaty - obyrdyń qazirgi zamandaǵy eń qaýipti aýrýlardyń biri ekendigi týraly jurtshylyqty habardar etý, osy keseldiń aldyn alýǵa, anyqtaýǵa jáne emdeýge nazar aýdarý.
Búgin Elordada «Báiterek» monýmenti men «Han Shatyr» SOO, Almatyda – «Halyq Arena» sport jáne mádeniet saraiy, «Almaty Arena» muz saraiy, Abai atyndaǵy Qazaq memlekettik akademiialyq opera jáne balet teatry, Renion Park qonaq úii men MEGA Alma-Ata SOO-daǵy Happy Eye sholý dóńgelegi kók tústi shamdaryn jaǵady.
Aktsiianyń bastamashylary Qazaq onkologiia jáne radiologiia ǵylymi-zertteý institýty (QazORǴZI), «Qaterli isikpen kúreseiik» qoǵamdyq qory jáne Takeda biofarmatsevtikalyq kompaniiasy qoǵamnyń nazaryn osy jahandyq problemaǵa aýdarý jáne halyqty keseldi erte anyqtaýǵa jáne emdelýge shaqyrý, búgingi órkeniettiń eń aýyr dertteriniń biri retinde jurtshylyqtyń qaterli isik týraly habardarlyǵyn arttyrý maqsatynda is-sharany júzege asyrdy.
«Búgingi onkologiia alǵa qarai qadam basty. Qazirgi tańda 10-15 jyl buryn emdeý múmkin bolmaǵan keselderge em bar. Onkologiialyq aýrýlardy emdeýdegi álemdegi aldyńǵy qatarly ádistemeler igerildi jáne olar Qazaqstanda belsendi qoldanylady. Osynyń barlyǵy tegin emdelýge muqtaj árbir azamatqa tegin meditsinalyq kómektiń kepildik berilgen kólemi sheńberinde qoljetimdi. Alaida, uzaq ýaqyt emdelýden arylýǵa jáne tipti ómirdi saqtap qalýǵa múmkindik beretin eń mańyzdy faktor – turaqty onkoskrining pen aýrýdyń erte kezeńderinde azamattardyń júginýi, - deidi «Qazaq onkologiia jáne radiologiia ǵylymi-zertteý institýty» AQ Basqarma tóraǵasy Diliara Qaidarova.
Qazaqstanda qaterli isiktiń eń kóp taraǵan túrleri: sút bezi obyry, ókpe obyry, asqazan obyry, jatyr moiny obyry jáne kolorektaldy obyr.
Qazaqstanda jatyr moiny obyryn, sút bezi qaterli isigin jáne tik ishektiń qaterli isigin erte anyqtaý boiynsha ulttyq skriningtik baǵdarlamalar júrgiziledi. Qazaqstan azamattaryna onkologiialyq aýrýlardy diagnostikalaý jáne emdeý tegin meditsinalyq kómektiń kepildendirilgen kólemine (GOBMP) kiredi jáne memlekettik biýdjetten tolyǵymen qamtylǵan.
Qazirgi ýaqytta Qazaqstanda jetekshi onkologiialyq qaýymdastyqtardyń halyqaralyq hattamalaryna sáikes keletin onkologiialyq aýrýlardy emdeýdiń qazirgi zamanǵy túrleri júrgizilýde. Targetti terapiia, immýnoterapiia jáne gendik injeneriia ádisteri belsendi qoldanylady. Barlyq himioterapiialyq jáne targettik preparattar tegin meditsinalyq kómektiń kepildik berilgen kólemi (TMKKK) sheńberinde qamtamasyz etiledi. 2010 jyldan bastap súiek kemigin transplantatsiialaý júrgizilýde. 2012 jyly Qazaqstanda onkopsihologtardyń jeke kásibi qyzmeti paida boldy.
Jyl saiyn Qazaqstanda qaterli isik aýrýynyń 36 myńǵa jýyq jańa jaǵdaiy tirkeledi. Onkologiialyq esepte 180 myńnan astam qazaqstandyq tur.
