Búgin halyqaralyq qaterli isikke qarsy kúres kúni. Aitýly kún aiasynda elorda turǵyndary úshin «Ashyq esik» sharasy uiymdastyryldy, dep habarlaidy QazAqparat tilshisi.
«Nur-Sultan qalasynda 1-4 aqpan aralyǵynda onkologiialyq aýrýlardyń aldyn alý jáne erte anyqtaý boiynsha «Ashyq esik» kúnin ótkizdik. Jyl saiyn Nur-Sultan qalasynda 2 myńǵa jýyq jańa qaterli isigi bar naýqas tirkeledi. Búgingi tańda dispanserlik esepte 11 548 myń adam tur. Ótken jyldyń qorytyndysy boiynsha elordada osyndai dertpen 1898 adam tirkeldi. Qaterli isikke shaldyǵý kórsetkishi 2019 jyly 100 myń adamǵa shaqqanda 195,0-ti qurasa, 2020 jyly 100 myń turǵynǵa 164,0-ti qurady», - dedi Nur-Sultan qalasy kópsalaly meditsina ortalyǵynyń direktory Muhtar Tóleýtaev ataýly kúnge orai onlain ótken baspasóz máslihatynda.
Ortalyq basshysynyń málimdeýinshe, atalǵan shara aiasynda elordalyqtar qaterli isiktiń aldyn alý men anyqtaý baǵytynda tekserýden ótip, mamandardan tegin keńes aldy.
Buǵan deiin habarlaǵanymyzdai, elordada jyl saiyn 2 myńǵa jýyq adam obyrǵashaldyǵatyny málim boldy.
