Jetisý oblysyndaǵy Alakól demalys aimaǵynda eki gidrotsikl soqtyǵysyp bir adam kóz jumdy, dep habarlaidy ult.kz.
Taǵy bir adam túrli dárejedegi jaraqat alyp, aýrýhanaǵa jetkizilgen. Oblystyq Tótenshe jaǵdailar departamentiniń málimetinshe, oqiǵa 17 shilde kúni kól akvatoriiasynda bolǵan. Áleýmettik jelilerdegi aqparatqa sáikes, soqtyǵys keshki saǵat 21:00 shamasynda, iaǵni sýdaǵy kóriný deńgeii tómendegen ýaqytta bolǵan.
Qazir atalǵan fakti boiynsha Alakól aýdandyq politsiia bólimi sotqa deiingi tergeý júrgizip jatyr. TJD qoldanystaǵy erejelerge sáikes, navigatsiialyq shamdarmen jabdyqtalmaǵan shaǵyn júzý quraldarynyń qarańǵy ýaqytta sýǵa shyǵýyna qatań tyiym salynatynyn eske saldy.
Sol sekildi Alakóldiń Kóktuma jaǵajaiynda taǵy bir oqys oqiǵa tirkelgeni týraly aqparat tarady. 70 jastaǵy áiel paromnyń gidrotsikli keri júrgen kezde aýyr jaraqat alyp, eki aiaǵynan aiyrylǵan.
Qart áiel katerdiń vintine túsip ketken. Jetisý oblysy densaýlyq saqtaý basqarmasynyń málimetinshe, zardap shegýshi aýrýhanaǵa óte aýyr ári kritikalyq halde jetkizilgen.
Dárigerler oǵan aýyr aralas politravma diagnozyn qoidy, sonymen qatar áieldiń sol jaq aiaǵy tolyǵymen, al oń jaq aiaǵy ishinara ampýtatsiialanǵan bolyp shyqty. Oǵan qosa, kóp qan joǵaltqan naýqas shok jaǵdaiynda bolǵan. Oqiǵaǵa bailanysty politsiia qylmystyq is qozǵady.
