Memlekettik qyzmetshi deklaratsiiany toltyrý kezinde qate jibergen bolsa, ne isteýge bolady? Bul deklaratsiiany qaitadan toltyrý kerek pe jáne qate deklaratsiiamen ne isteý kerek? Bul suraqqa QR Qarjy ministrligi Memlekettik kirister komitetinde jaýap berdi, dep habarlaidy "Ult aqparat".
Jalpyǵa birdei deklaratsiialaýdyń engizilýine bailanysty memlekettik qyzmetshiler, olarǵa teńestirilgen adamdar men olardyń jubailary (zaiyptary) biylǵy jyly aktivter men mindettemeler týraly deklaratsiiany usynýy tiis.
Alaida, aktivter men mindettemeler týraly deklaratsiiada qate nemese tolyq emes málimetter toltyrylsa, mundai deklaratsiiany qosymsha deklaratsiiamen túzetýge bolatynyn barlyq jeke tulǵalar bile bermeidi.
Eger bastapqy deklaratsiiada aktivter men mindettemelerdi kórsetýdi umytyp qalsańyz nemese tolyq kórsetpeseńiz, onda qosymsha deklaratsiia usynýǵa bolady.
Qosymsha deklaratsiia – osy ózgerister nemese tolyqtyrýlar qatysty bolatyn salyqtyq kezeń úshin buryn usynylǵan deklaratsiiaǵa ózgerister nemese tolyqtyrýlar engizilgen kezde usynylatyn deklaratsiia.
Qosymsha deklaratsiiada:
1) somalary ózgertilgen kezde – salyqtyq kezeńdegi buryn usynylǵan deklaratsiiada kórsetilgen soma men is júzindegi salyqtyq mindetteme arasyndaǵy aiyrma;
2) qalǵan derekter ózgertilgen kezde, jańa mán tiisti joldar boiynsha kórsetiledi.
Eger deklaratsiiada mindetti derektemeler durys kórsetilmese nemese múldem kórsetilmese, ony keri qaitaryp alýǵa bolady.
Salyqtyq eseptilikti keri qaitaryp alý mynadai ádisterdiń birimen júrgiziledi:
1) joiý ádisimen, bul rette keri qaitarylatyn salyqtyq eseptilik joiylady;
2) ózgertý ádisimen, bul rette buryn usynylǵan salyqtyq eseptilikke salyq tóleýshi málimdegen ózgerister nemese túzetýler engiziledi.
Joiý ádisimen qate usynylǵan deklaratsiiany (tabys etý boiynsha mindettemeler joq), sondai-aq eger:
- deklaratsiia nysany belgilengen nysanǵa sáikes kelmese;
- deklaratsiiada salyq organynyń kody nemese salyq kezeńi kórsetilmegen; aktivter men mindettemeler týraly deklaratsiia jasalatyn kúni kórsetilmegen nemese salyq eseptiliginiń túri kórsetilmegen jaǵdaida tabys etilmegen dep sanalatyn deklaratsiiany keri qaitaryp alýǵa bolady.
Mysaly, keibir memlekettik qyzmetshiler 2021 jyly qate túrde 230.00 nysany boiynsha deklaratsiia usyndy. Biylǵy jyly mundai deklaratsiiany usyný boiynsha mindetteme bolmaǵandyqtan, ony joiý ádisimen keri qaitaryp alý qajet.
Eger deklaratsiiany tapsyrýǵa mindetti bolmasa, joiý ádisimen keri qaitaryp alǵannan keiin durys deklaratsiiany qaita tapsyrý qajet.
Sondai-aq valiýta kody kórsetilmese nemese durys kórsetilmese, salyq organynyń kody, salyq kezeńi nemese salyq eseptiliginiń túri durys kórsetilmese, deklaratsiiany ózgertý ádisimen keri qaitaryp alý júrgiziledi.
Qate deklaratsiiany keri qaitaryp alý úshin salyq organyna óziniń tirkeý esebiniń orny boiynsha ótinish berý qajet.
Salyq organynyń kody durys kórsetilmese, salyq eseptiligin ózgertý ádisimen keri qaitaryp alý úshin ótinish osy deklaratsiia tapsyrylǵan salyq organyna tabys etiledi.
Deklaratsiiany keri qaitaryp alý týraly málimetterdi «e-Salyq Azamat» mobildik qosymshasynyń «Elektrondyq servisterinen» kórýge bolady. «E-Salyq Azamat» tegin mobildik qosymshasyn «App Store» nemese «Play Market»-ten júkteýge bolady.
Jyl basynan beri 269 510 adam óz múlkin deklaratsiialap úlgergenin atap ótken jón. Deklaratsiialaryn tapsyryp úlgergenderdiń ishinen 171 682 adam «e-Salyq Azamat» mobildi qosymshasyn paidalanǵan.
Eske sala keteiik, 2021 jyly elimizde jalpyǵa birdei deklaratsiialaýdy engizýdiń birinshi kezeńi bastaldy.
Salyq kodeksinde jalpyǵa birdei deklaratsiialaýdy tórt kezeńmen júzege asyrý qarastyrylǵan.
Birinshi kezeńde (2021 jylǵy 1 qańtardan bastap):
- jaýapty memlekettik laýazymdy atqaratyn adamdar men olardyń jubailary (zaiyptary);
- memlekettik fýnktsiialardy oryndaýǵa ýákilettik berilgen jáne olarǵa teńestirilgen adamdar, sondai-aq olardyń jubailary (zaiyptary);
- «Qazaqstan Respýblikasyndaǵy sailaý týraly Qazaqstan Respýblikasynyń Konstitýtsiialyq Zańyna jáne «Sybailas jemqorlyqqa qarsy is-qimyl týraly», «Qazaqstan Respýblikasyndaǵy bankter jáne bank qyzmeti týraly», «Saqtandyrý qyzmeti týraly», «Baǵaly qaǵazdar rynogy týraly» Qazaqstan Respýblikasynyń Zańyna sáikes tabys etý mindeti júktelgen adamdar deklaratsiia tapsyrýǵa mindetti.
