Katar úlken qorynyń arqasynda arab elderiniń ekonomikalyq oqshaýlaýyna shydai alady. Bul týraly Katar ortalyq bankiniń basshysy Abdýla bin Saýd Ál-Tani CNBC arnasyna bergen suhbatynda málimdedi, - dep habarlaidy Gazeta.ru.
"Bul bizdiń júieniń nyqtylyǵy, bizde kez kelgen jaǵdaida aiaǵymyzda tik turyp qalatyndai qarajatymyz bar", - deidi Ál-Tani.
Onyń aitýy boiynsha, Katar ortalyq bankiniń qory - 40 milliard dollar jáne altyn kúiinde saqtalǵan 300 milliard dollar.
Munyń aldynda Parsy shyǵanaǵyndaǵy arab elderi Katarǵa qatysty ekonomikalyq sanktsiialardy kóbeitip, dilomatiialyq oqshaýlaýyn kúsheitpek ekeni habarlanǵan bolatyn.
Eske salaiyq, maýsym basynda birneshe arab memleketi Katarmen bailanysyn úzgen bolatyn. Olar resmi Dohany lańkestik uiymdardy qoldaidy jáne Taiaý Shyǵystaǵy jaǵdaidy turaqsyzdandyryp otyr dep aiyptaǵan.
Keiin QR syrtqy ister ministri Qairat Ábdirahmanov Katar Respýblikasyndaǵy jaǵdaiǵa qatysty qazaqstandyq taraptyń ustanymyn bildirgen edi.
"Birneshe arab eliniń Katar memleketimen diplomatiialyq qarym-qatynasty úzgeni jaily aitatyn bolsam, bizdiń memleket barlyq tarap osy jaǵdaidy ýshyqtyrmai, kelissózder arqyly diplomatiialyq jolmen rettei alady dep senemiz. Biz osy jaǵdaiǵa qatysy barlyq taraptan ustamdylyq tanytýyn jáne ózara kelisilgen sheshim qabyldaýyn suraimyz. Bul barlyǵynan buryn osy memleketter úshin qajet. Diplomatiialyq qarym-qatynastardyń buzylýynan osy elder zardap shegip, elder arasyndaǵy qarym-qatynas úziledi", - degen edi SIM basshysy.
