Keshe ǵana QR Premer-Ministri Asqar Maminniń tóraǵalyǵymen ótken memlekettik komissiia otyrysynda qalyptasqan epidemiologiialyq jaǵdaidy eskere otyryp, karantin sharalaryn kezeń-kezeńimen alyp tastaý jospary bekitilgen edi.
Jiyn barysynda elimizdegi sanitarlyq-epidemiologiialyq jaǵdai, shekteý sharalaryn jeńildetý jónindegi usynystar, óńirler men kásipkerlik sýbektileriniń qyzmetti qaita bastaýǵa daiyndyǵy týraly Densaýlyq saqtaý ministri men birqatar oblys basshylary, sondai-aq «Atameken» UKP basqarma tóraǵasy baiandama jasaǵan bolatyn.
Qazaqstanda karantin sharalary kúshine engizilgen kezeńde epidemiologiialyq ahýal turaqtandyrylyp, meditsinalyq uiymdardyń júktemesi aitarlyqtai tómendegen. Virýsty juqtyrýdyń táýliktik ósimi 4%-dan 0,5%-ǵa deiin azaica, saýyǵyp shyqqan adamdar sany 76%-ǵa jetip, reprodýktivtiliktiń ortasha kórsetkishi 0,78-ge deiin tómendegen.
Osy oraida, Ult portaly shekteý sharalaryn jeńildetýge bailanysty óner adamdarynyń oi-pikirin bilgen edi.
«Ár qazaq - meniń jalǵyzym» deitin azamattyń biri bolǵandyqtan, eldiń basyna túsken qaiǵyly jaittar qabyrǵamyzdy qaiystyrdy.
At tóbelindei qazaǵym álem halqy sekildi emi joq derttiń qurbany bolyp, azaiǵany janyma batady, árine.
Sondyqtan qatań karantin kezinde salynǵan keibir talaptardyń áli de saqtalýyn quptaimyn.
Kontserttik, sporttyq, mereitoilyq jiyndardy boldyrmai, maskamen júrý, ara-qashyqtyqty saqtaý qatań qadaǵalansa. Zańǵa baǵynbaǵan jandarǵa aiyppul salǵanyna da qarsy emespin, biraq aiyppul eń tómengi ailyq kórsetkishiniń 30% nemese 50% qurasa (jeke tulǵalarǵa).
Alla «Saqtansań, saqtaimyn» degen. Asyly, ár qazaqstandyq bala-shaǵasy, aǵaiyn-týysy úshin, ultty aman saqtap qalýy úshin karantin talaptaryna biylǵy jyldyń sońyna deiin shydap shyǵýy kerek dep oilaimyn" - deidi Ámire Qashaýbaev atyndaǵy memlekettik filarmoniia solisi, Mádeniet salasynyń úzdigi Berik Omarov.
Eske sala keteiik, elimizde shilde aiynyń ortasynda eki aptaǵa sozylatyn karantin engizilgen bolatyn. 29 shildede Memleket basshysy Qasym-Jomart Toqaev epidemiologiialyq ahýaldy turaqtandyrý jóninde keńes ótkizip, karantin sharalaryn taǵy eki aptaǵa uzartýdy tapsyrǵan edi.
