Prezidenttiń kómekshisi - Qaýipsizdik Keńesiniń Hatshysy Qalmuhanbet Qasymov Shanhai yntymaqtastyq uiymyna múshe memleketterdiń qaýipsizdik keńesteri hatshylarynyń on tórtinshi kezdesýine qatysty. Bul týraly Aqordanyń baspasóz qyzmeti habarlaidy.
Is-shara barysynda ShYU keńistiginde turaqtylyq pen qaýipsizdikti qamtamasyz etý salasyndaǵy ahýalǵa qatysty aýqymdy máseleler talqylandy. Shanhai yntymaqtastyq uiymyna múshe memleketterdiń delegatsiia basshylary terrorizmge, separatizm men ekstremizmge, qarý men esirtkiniń zańsyz ainalymyna, transulttyq uiymdasqan qylmysqa qarsy turý, sondai-aq halyqaralyq aqparattyq qaýipsizdik salalaryndaǵy yntymaqtastyqty odan ári damytý máseleleri jóninde pikir almasty.
Turaqty qyzmet etetin organdardyń 2018 jylǵy qyzmetiniń nátijesi týraly ShYU Bas hatshysynyń jáne ShYU TQÓQ Atqarýshy komiteti direktorynyń baiandamalary tyńdaldy.
Q.Qasymov óz baiandamasynda Qazaqstannyń BUU Jarǵysynyń, BUU Qaýipsizdik Keńesi rezoliýtsiialarynyń jáne BUU Ǵalamdyq kontrterrorlyq strategiiasy erejeleriniń negizinde halyqaralyq terrorizmge qarsy turýdy tolyqtai qamtityn BUU konventsiiasyn qabyldaýdy dáiekti túrde qoldaitynyn atap ótti.
Osyǵan bailanysty, ol Qazaqstannyń Tuńǵysh Prezidenti - Elbasy N.Nazarbaevtyń Terrorizmnen azat álemge qol jetkizý jónindegi kodeksi týraly bastamasyn tezirek júzege asyrýǵa shaqyrdy. Búgingi tańda oǵan 80-ge jýyq memleket qol qoidy.
Sharaǵa qatysqan delegatsiia basshylaryn Qyrǵyz Respýblikasynyń Prezidenti Sooronbai Jeenbekov qabyldady.
Sonymen qatar, kezdesý alańdarynda Q.Qasymov Úndistan, Qytai, Qyrǵyzstan, Pákistan, Resei, Tájikstan jáne Ózbekstan elderiniń delegatsiia basshylarymen ShYU múshe memleketterdiń qaýipsizdik keńesteri apparattary deńgeiinde yntymaqtastyqty keńeitý jáne nyǵaitý máseleleri boiynsha ekijaqty kelissózder ótkizdi.
