Jyl berý maýsymy bastalǵaly órt azaiǵanymen, ýlanýdan qaza tapqan adamdar sany 12 paiyzǵa artyp otyr. Bul týraly búgin Úkimettiń selektorlyq rejimdegi otyrysynda QR Ishki ister ministri Qalmuhanbet Qasymov aitty, dep habarlaidy "Ult aqparat".
«11 ailyqtan 12 jasqa deiin 5 bala qaza tapty. Órttiń sebebine keler bolsaq, pesh jaqqanda qaýipsizdik sharasy saqtalmaǵan. Órt sodan shyǵyp otyr. Sodan keiin balalar túngi ýaqytta qaraýsyz qalǵan. Órt sóndirýshiler 7 minýtta jetken. Politsiia men jedel járdem de osy ýaqytta bolǵan. Biraq ókinishke orai jaǵdaidyń aldyn alýǵa múmkindik bolmady», - dedi Q.Qasymov.
Onyń aitýynsha, elimizde qazirgi ýaqytta mundai jaǵdailar az emes. Degenmen, jylý berý maýsymy ótken jyldyń 15 qazanynda bastalǵan beri beri órt birshama azaidy. «Eń bastysy qaza tapqandardyń sany azaidy.
Biraq, ýlanýdan qaza bolǵandar sany 12 paiyzǵa artyp otyr. Jyl saiyn bizdiń órtke qarsy qyzmet aldyn alý sharalaryn júrgizedi. Sońǵy birneshe aida 1,7 mln jeke úidi aralady. 4 mln adammen kezdesip, túsindirý jumystaryn júrgizdi. Osy jaǵdaiǵa bailanysty taǵy jumysty jandandyramyz», - dedi ministr.
Búgingi Úkimettiń selektorlyq rejimdegi otyrysynda QR Premer-Ministri Baqytjan Saǵyntaev órtten qaza tapqan 5 balanyń ata-anasyna kóńil aitty.
Eske sala keteiik, 4 aqpan kúni túnde elordanyń Saryarqa aýdanyndaǵy «Kóktal-1» turǵyn úi alabynda jeke úidiń aýlasynda turǵyzylǵan ýaqytsha baspanada órt shyqty. Órtti sóndirý barysynda 2006, 2008, 2014, 2016, 2018 jylǵy 5 qyz balanyń denesi tabyldy.
Olardyń kishisi nebári úsh ailyq sábi edi. Órt kezinde bes balanyń ata-anasy túngi jumysta bolǵan.
.jpeg)