Foto: Kisi.kz, Baýyrjan Áýken
QR Prezidenti janyndaǵy QSZI Aziialyq zertteýler bóliminiń aǵa sarapshysy Baýyrjan Áýken Memleket basshysy Qasym-Jomart Toqaevtyń «Ana tili» gazetine bergen suhbatynda túrki álemimen yntymaqtastyqtyń erekshe mańyzdylyǵyna toqtalýy kezdeisoq emes dep esepteidi. Aitýynsha, bul suhbatta Qazaqstannyń TMU aiasyndaǵy belsendiligi men túrki yntymaqtastyǵyn nyǵaitýǵa qosqan úlesi keńinen talqylandy.
"Atap aitqanda, aýqymdy jobalar men 80-nen astam is-shara uiymdastyrylǵandyǵyna basa nazar aýdaryldy. Prezident 2021 jyly kúlli túrki áleminiń rýhani astanasy bolyp jariialanǵan kóne Túrkistan qalasynyń tarihi róline erekshe mán berdi. Memleket basshysynyń pikirinshe, Túrkistannyń qaita jandanýy túrki áleminiń birligin nyǵaitýǵa zor úles qosýda", - deidi ol.
Baýyrjan Áýken Astanada ótkizilgen V Dúniejúzilik kóshpendiler oiyndary túrki halyqtarynyń bai mádeni murasyn nasihattaýda erekshe oryn alǵanyn atap ótti. Aitýynsha, bul shara túrki mádenieti men dástúrin álemge tanytyp qana qoimai, qatysýshy elder arasyndaǵy mádeni-gýmanitarlyq yntymaqtastyqty tereńdete tústi.
"Sońǵy onjyldyqta TMU aiasyndaǵy saýda-ekonomikalyq bailanystar da aitarlyqtai nyǵaidy. Prezident 2023 jyly uiymǵa múshe elderdiń ózara ainalymy 45 mlrd doll. asqanyn atap ótti. Bul kórsetkish integratsiianyń joǵary deńgeiin jáne ózara tiimdi qarym-qatynastardyń qarqyndy damyp kele jatqanyn dáleldeidi", - deidi ol.
Sarapshy TMU sheńberindegi yntymaqtastyqtyń mańyzdy aspektileriniń biri – Transkaspii halyqaralyq kólik baǵytyn damytýǵa erekshe toqtaldy.
"Bul joba Qazaqstannyń ekonomikalyq áleýetin arttyrýda, tranzittik múmkindikterin keńeitýde jáne halyqaralyq investitsiialardy tartýda sheshýshi ról atqarýda.
Qasym-Jomart Toqaevtyń suhbatynda atalǵan TMU aiasyndaǵy seriktestik Qazaqstannyń kópvektorly syrtqy saiasatynyń ajyramas bóligi ekenin aiqyn ańǵartady. Túrki álemimen yntymaqtastyq – eldiń rýhani, mádeni jáne ekonomikalyq damýyn qamtamasyz etetin strategiialyq baǵyttardyń biri", - dedi Baýyrjan Áýken.
