Búgin Qazaqstan Prezidenti Qasym-Jomart Toqaevtyń memlekettik saparmen Qyrǵyz Respýblikasyna keldi, – dep habarlaidy «Ult aqparat».
Áýejaida Qazaqstan Memleket basshysyn Qyrǵyzstan Prezidenti Sooronbai Jeenbekov pen Qazaqstannyń Qyrǵyz Respýblikasyndaǵy Tótenshe jáne Ókiletti Elshisi Qairat Nurpeiisov kútip aldy. Prezidenttiń sapar baǵdarlamasyna respýblika basshysy Sooronbai Jeenbekovpen ekijaqty kelissózder júrgizý, sondai-aq Qazaqstan Respýblikasy men Qyrǵyz Respýblikasy Joǵary memleketaralyq keńesiniń kezekti besinshi otyrysyna qatysý engen.
Joǵary deńgeidegi kezdesý barysynda saiasi, saýda-ekonomikalyq, investitsiialyq jáne mádeni-gýmanitarlyq saladaǵy ekijaqty ózara is-qimyldyń keń aýqymdy máseleleri qaralatyn bolady.
Sonymen qatar, 28 qarashada Memleket basshysy Bishkek qalasynda ótetin Ujymdyq qaýipsizdik shart uiymy (UQShU) Qaýipsizdik keńesiniń sessiiasyna qatysady. Uiymǵa múshe memleketterdiń basshylary uiym qyzmeti aiasynda ózara is-qimyldyń keń aýqymdy máselelerin talqylaidy. Sonymen birge, biylǵy jylǵy uiym qyzmettiniń basym baǵyttaryn iske asyrýdyń qorytyndysyn shyǵarady dep kútilýde.
«Memleket basshysy Qyrǵyzstan Prezidentimen birlesip «Ata-beiit» ulttyq tarihi-memorialdyq kesheni men Shyńǵys Aitmatovtyń murajai-úiine barady» dep jazdy Prezidenttiń baspasóz hatshysy Berik Ýáli Facebook -tegi paraqshasynda.
