بٷگٸن قازاقستان پرەزيدەنتٸ قاسىم-جومارت توقاەۆتىڭ مەملەكەتتٸك ساپارمەن قىرعىز رەسپۋبليكاسىنا كەلدٸ, – دەپ حابارلايدى «ۇلت اقپارات».
ەۋەجايدا قازاقستان مەملەكەت باسشىسىن قىرعىزستان پرەزيدەنتٸ سوورونباي جەەنبەكوۆ پەن قازاقستاننىڭ قىرعىز رەسپۋبليكاسىنداعى تٶتەنشە جەنە ٶكٸلەتتٸ ەلشٸسٸ قايرات نۇرپەيٸسوۆ كٷتٸپ الدى. پرەزيدەنتتٸڭ ساپار باعدارلاماسىنا رەسپۋبليكا باسشىسى سوورونباي جەەنبەكوۆپەن ەكٸجاقتى كەلٸسسٶزدەر جٷرگٸزۋ, سونداي-اق قازاقستان رەسپۋبليكاسى مەن قىرعىز رەسپۋبليكاسى جوعارى مەملەكەتارالىق كەڭەسٸنٸڭ كەزەكتٸ بەسٸنشٸ وتىرىسىنا قاتىسۋ ەنگەن.
جوعارى دەڭگەيدەگٸ كەزدەسۋ بارىسىندا ساياسي, ساۋدا-ەكونوميكالىق, ينۆەستيتسييالىق جەنە مەدەني-گۋمانيتارلىق سالاداعى ەكٸجاقتى ٶزارا ٸس-قيمىلدىڭ كەڭ اۋقىمدى مەسەلەلەرٸ قارالاتىن بولادى.
سونىمەن قاتار, 28 قاراشادا مەملەكەت باسشىسى بٸشكەك قالاسىندا ٶتەتٸن ۇجىمدىق قاۋٸپسٸزدٸك شارت ۇيىمى (ۇقشۇ) قاۋٸپسٸزدٸك كەڭەسٸنٸڭ سەسسيياسىنا قاتىسادى. ۇيىمعا مٷشە مەملەكەتتەردٸڭ باسشىلارى ۇيىم قىزمەتٸ اياسىندا ٶزارا ٸس-قيمىلدىڭ كەڭ اۋقىمدى مەسەلەلەرٸن تالقىلايدى. سونىمەن بٸرگە, بيىلعى جىلعى ۇيىم قىزمەتتٸنٸڭ باسىم باعىتتارىن ٸسكە اسىرۋدىڭ قورىتىندىسىن شىعارادى دەپ كٷتٸلۋدە.
«مەملەكەت باسشىسى قىرعىزستان پرەزيدەنتٸمەن بٸرلەسٸپ «اتا-بەيٸت» ۇلتتىق تاريحي-مەموريالدىق كەشەنٸ مەن شىڭعىس ايتماتوۆتىڭ مۇراجاي-ٷيٸنە بارادى» دەپ جازدى پرەزيدەنتتٸڭ باسپاسٶز حاتشىسى بەرٸك ۋەلي Facebook -تەگٸ پاراقشاسىندا.
