QR Prezidenttigine kandidat Qasym-Jomart Toqaevtyń respýblikalyq qoǵamdyq shtaby quryldy. Budan bólek, úgit-nasixat sharalary kezinde qalalyq, oblystyq jáne aýdandyq shtabtar jumys isteitin bolady, dep habarlaidy "Ult aqparat".
Kandidattyń senimdi ókili ári shtab basshysy Máýlen Áshimbaevtyń aitýynsha, kandidatty qoldaý maqsatyda 315 myńnan astam qol jinaldy. Al 19 myńnan astam adam Qasym-Jomart Toqaevtyń senimdi ókili retinde tirkeldi. Budan bólek, alǵash ret shtabtyń jastar qanaty quryldy. Oǵan Qairat Nurtas, Quralai Anarbekova, Anna Aliabeva, Áigerim Esenáli, Serik Esmatov jáne taǵy basqa tanymal jastar kirdi.
«Al Respýblikalyq shtabtyń quramyna Halyq Qaharmandary - Muxtar Altynbaev pen Baqytjan Ertaev, Qazaqstannyń Eńbek Erleri Ivan Saýer, Aiman Musaqojaeva, Serik Aqsholaqov men Iýrii Pia, qoǵam qairatkerleri - Kenjeǵali Saǵadiev, Ádil Axmetov, Sansyzbai Esilov, Baqytjan Jumaǵulov jáne taǵy basqa tanymal adamdar endi. Budan bólek, Jaqsylyq Úshkempirov, Aleksandr Vinokýrov, Aibek Nuǵymarov, Zýlfiia Ǵabidýlina, Áliia Iýsýpova, Qanat Islam men Dianara Sádýaqasova syndy sportshylar, úkimettik emes uiymdaryń ókilderi - Arýjan Sain, Dinara Sháijúnisova, Dianara Zákieva jine taǵy basqa áriptesterimiz respýblikalyq shtabtyń quramynda jumys isteýge kelisti. Roza Rymbaeva, Dosxan Joljaqsynov, Altynai Jorabaeva, Maira Muxamedqyzy, Samal Esliamova, Sáken Maiǵaziev, Qydyráli Bolmanov, Tamara Asar syndy ánshiler men ártister, al jýrnalisterdiń arasynan Darxan Qydyráli, Nurtóre Júsip, Dana Nurjigit, Maiia Bekbaeva, Qalqaman Sarin syndy áriptesterimiz de shtabtyń quramyna kirdi», - dedi M.Áshimbaev ortalyq apparatta ótken arnaiy baspasóz máslixatynda.
Onyń sózine qaraǵanda, shtabtar óz jumysyn 11 mamyr kúni saǵat 18:00-de bastaidy. Zań boiynsha sol kezde sailaýaldy úgit-nasixat sharalary bastalady.
