Qazaqstan Respýblikasynyń Prezidenti laýazymyna sailanýyna bailanysty Qasym-Jomart Toqaevtyń atyna quttyqtaýlar kelip túsýde, dep habarlaidy "Ult aqparat" Aqordaǵa silteme jasap.
BUU 8f-shi Bas hatshysy, Ionse ýniversitetiniń janyndaǵy Jahandyq is-qimyldar institýtynyń qurmetti tóraǵasy Pan Gi Mýn Qasym-Jomart Toqaevty jaýapty memlekettik laýazymǵa sailanýymen shyn júrekten quttyqtady. Jedelhatta Memleket basshysynyń BUU Jenevadaǵy bólimshesiniń Bas direktory qyzmetin atqarǵan kezdegi jumys tájiribesi, ártúrli múddeli taraptardy kelisimge keltirý qabileti Qazaqstandy órkendetýge septigin tigizetinine senim bildirgen.
«Qazaqstan qazirgi ýaqytta ornyqty damýy men inkliýzivti ósimin aiqyn kórsetip kele jatqan biregei memleket. Sizdiń diplomatiiany tereń túsinetinińiz elińizdegi memlekettik qurylys pen áleýmettik-ekonomikalyq damýǵa yqpal etedi dep oilaimyn. Aldaǵy ýaqytta álemniń bolashaǵyn jarqyn qylý maqsatynda kúsh-jiger biriktirip, yntymaqtastyǵymyzdy jalǵastyra bergimiz keledi», - delingen jedelhatta.
