Qazaqstan Respýblikasynyń Prezidenti bolyp sailanýyna bailanysty Qasym-Jomart Toqaevqa 150-den astam quttyqtaý haty men jedelhat kelgen, sondai-aq 10-nan astam adam telefon shalyp quttyqtaǵan. Bul týraly QR Prezidentiniń keńesshisi Erlan Qarin málim etti, dep habarlaidy "Ult aqparat".
«Qazaqstan Respýblikasynyń Prezidenti bolyp sailanýyna bailanysty Qasym-Jomart Toqaevqa 150-den astam quttyqtaý haty men jedelhat kelgen, sondai-aq 10-nan astam adam telefon shalyp quttyqtady», - dep jazdy Erlan Qarin Telegram-arnasynda.
Atap aitqanda, QR Prezidenti bolyp sailanýyna orai, Qasym-Jomart Toqaevty Resei Prezidenti Vladimir Pýtin, QHR Tóraǵasy Si Tszinpin, AQSh Prezidenti Donald Tramp, Túrkiia Prezidenti Rejep Taiyp Erdoǵan, Germaniia Kantsleri Angela Merkel, Frantsiia Prezidenti Emmanýel Makron, Ulybritaniia Premer-ministri Tereza Mei, Japoniia Premer-ministri Sindzo Abe, Iran Prezidenti Hasan Rýhani, Polsha Prezidenti Andjei Dýda, Úndistan Premer-ministri Narendra Modi, Izrail Premer-ministri Biniamin Netaniahý, Ýkraina Prezidenti Vladimir Zelenskii, Saýd Arabiiasynyń Koroli Salman ben Abdel Aziz Al Saýd, Ulybritaniia Patshaiymy Elizaveta II, Ispaniia Koroli Felipe quttyqtady.
Budan bólek, Qasym-Jomart Toqaevty QR Prezidenti bolýymen quttyqtaǵandar arasynda BUU Bas hatshysy Antoniý Gýterrish, EQYU Bas hatshysy Tomas Greminger, Eýraziia ekonomikalyq keńesiniń Alqa Tóraǵasy Tigran Sarkisian, Eýropa komissiiasynyń Prezidenti Jan-Klod Iýnker, Dúniejúzilik saýda uiymynyń Bas direktory Roberto Azevedo, Islam yntymaqtastyq uiymynyń Bas hatshysy Iýsef ben Ahmad al-Oseimin, ShYU Bas hatshysy Vladimir Norov, Ekonomikalyq yntymaqtastyq uiymynyń bas hatshysy Hadi Soleimanpýr, t.b. bar.
