قازاقستان رەسپۋبليكاسىنىڭ پرەزيدەنتٸ بولىپ سايلانۋىنا بايلانىستى قاسىم-جومارت توقاەۆقا 150-دەن استام قۇتتىقتاۋ حاتى مەن جەدەلحات كەلگەن, سونداي-اق 10-نان استام ادام تەلەفون شالىپ قۇتتىقتاعان. بۇل تۋرالى قر پرەزيدەنتٸنٸڭ كەڭەسشٸسٸ ەرلان قارين مەلٸم ەتتٸ, دەپ حابارلايدى "ۇلت اقپارات".
«قازاقستان رەسپۋبليكاسىنىڭ پرەزيدەنتٸ بولىپ سايلانۋىنا بايلانىستى قاسىم-جومارت توقاەۆقا 150-دەن استام قۇتتىقتاۋ حاتى مەن جەدەلحات كەلگەن, سونداي-اق 10-نان استام ادام تەلەفون شالىپ قۇتتىقتادى», - دەپ جازدى ەرلان قارين Telegram-ارناسىندا.
اتاپ ايتقاندا, قر پرەزيدەنتٸ بولىپ سايلانۋىنا وراي, قاسىم-جومارت توقاەۆتى رەسەي پرەزيدەنتٸ ۆلاديمير پۋتين, قحر تٶراعاسى سي تسزينپين, اقش پرەزيدەنتٸ دونالد ترامپ, تٷركييا پرەزيدەنتٸ رەجەپ تايىپ ەردوعان, گەرمانييا كانتسلەرٸ انگەلا مەركەل, فرانتسييا پرەزيدەنتٸ ەممانۋەل ماكرون, ۇلىبريتانييا پرەمەر-مينيسترٸ تەرەزا مەي, جاپونييا پرەمەر-مينيسترٸ سيندزو ابە, يران پرەزيدەنتٸ حاسان رۋحاني, پولشا پرەزيدەنتٸ اندجەي دۋدا, ٷندٸستان پرەمەر-مينيسترٸ نارەندرا مودي, يزرايل پرەمەر-مينيسترٸ بينيامين نەتانياحۋ, ۋكراينا پرەزيدەنتٸ ۆلاديمير زەلەنسكيي, ساۋد ارابيياسىنىڭ كورولٸ سالمان بەن ابدەل ازيز ال ساۋد, ۇلىبريتانييا پاتشايىمى ەليزاۆەتا II, يسپانييا كورولٸ فەليپە قۇتتىقتادى.
بۇدان بٶلەك, قاسىم-جومارت توقاەۆتى قر پرەزيدەنتٸ بولۋىمەن قۇتتىقتاعاندار اراسىندا بۇۇ باس حاتشىسى انتونيۋ گۋتەرريش, ەقىۇ باس حاتشىسى توماس گرەمينگەر, ەۋرازييا ەكونوميكالىق كەڭەسٸنٸڭ القا تٶراعاسى تيگران ساركيسيان, ەۋروپا كوميسسيياسىنىڭ پرەزيدەنتٸ جان-كلود يۋنكەر, دٷنيەجٷزٸلٸك ساۋدا ۇيىمىنىڭ باس ديرەكتورى روبەرتو ازەۆەدو, يسلام ىنتىماقتاستىق ۇيىمىنىڭ باس حاتشىسى يۋسەف بەن احماد ال-وسەيمين, شىۇ باس حاتشىسى ۆلاديمير نوروۆ, ەكونوميكالىق ىنتىماقتاستىق ۇيىمىنىڭ باس حاتشىسى حادي سولەيمانپۋر, ت.ب. بار.
