Memleket basshysy Qasym-Jomart Toqaev Túrkistan oblysyna jumys saparymen keldi. Bul týraly Prezidenttiń baspasóz hatshysy Berik Ýáli habarlady.
«Prezident sapar barysynda Maqtaaral aýdanyna baryp, Sardoba sý qoimasynda bolǵan apattyń saldaryn joiý jumystarymen, zardap shekken azamattar úshin salynǵan turǵyn úilerdiń qurylysymen tanysyp, turǵyndarmen kezdesedi.
Budan keiin Arys qalasyna barady. Onda byltyr jarylys bolǵan áskeri bólimdi qaita qalpyna keltirý jumysymen tanysyp, turǵyndar úshin jańadan salynǵan jáne jóndelgen úilerdi, qaita qalpyna keltirilgen temir jol vokzalyn aralap kóredi.
Qazaqstan Prezidenti jumys saparynyń sońynda Túrkistan qalasyna baryp, Qoja Ahmet Iasaýi kesenesindegi jóndeý jumystaryn kóredi, «Sapar ortalyǵynyń» qyzmetimen tanysyp, jańadan salynǵan «Jibek joly» saiabaǵyn aralaidy», - dep jazdy B.Ýáli Facebook-te.
