Búgin Memleket basshysy Qasym-Jomart Toqaev Resei Federatsiiasynyń Prezidenti Vladimir Pýtinniń shaqyrýymen Máskeýge jumys saparymen bardy.
Bul jóninde Prezidenttiń baspasóz hatshysy Berik Ýáli málimet taratty.
Erteń, iaǵni, 24 maýsym kúni Nur-Sultan ýaqyty boiynsha saǵat 13:00-de Qyzyl alańda Jeńistiń 75 jyldyǵyna arnalǵan áskeri paradqa qatysady.
Sonymen qatar Qasym-Jomart Toqaev «Belgisiz soldat» qabirine gúl shoǵyn qoiady jáne Jeńistiń 75 jyldyǵyna arnalǵan saltanatty qabyldaýǵa qatysady.
Qazirgi aýyr epidemiologiialyq ahýalǵa bailanysty Máskeý saparynyń aldynda Prezident josparly túrde koronavirýsqa test tapsyrdy.
Qasym-Jomart Kemeluly buǵan deiin de meditsinalyq hattamaǵa sáikes, únemi tekserýden ótip keledi.
