Foto: Aqorda
Prezident Ujymdyq qaýipsizdik týraly shart uiymy (UQShU) «jai ǵana áskeri seriktestik emes, egemendik pen memleketterdiń aýmaqtyq tutastyǵyn qorǵaý úshin kúsh pen resýrstardy biriktiretin biregei mehanizm» ekenin atap ótti, dep habarlaidy Ult.kz.
«Prezident Qazaqstannyń UQShU tóraǵasy retinde uiymǵa múshe elder arasyndaǵy tyǵyz qarym-qatynasty nyǵaitýǵa, daǵdarys jaǵdailarynda jedel áreket etý tetikteriniń tiimdiligin arttyrýǵa bar kúsh-jigerin jumsady. Sondai-aq terrorizm, kibershabýyl, transulttyq qylmys jáne zańsyz esirtki ainalymy sekildi qazirgi zamannyń qaýip-qaterlerine qarsy kúreste Uiym múmkindikterin jetildirýge basa mán berdi», — dedi Toqaev.
Qasym-Jomart Toqaevtyń pikirinshe, Qazaqstannyń tóraǵalyǵy kezeńinde UQShU-nyń aldynda turǵan barlyq mindetter oryndalǵan.
«Sessiiaaralyq kezeńde birqatar mańyzdy qujattar qabyldandy. Olar halyqaralyq yntymaqtastyq, qorǵanys salasyndaǵy yqpaldastyq, sondai-aq ujymdyq qaýipsizdiktiń ózekti syn-qaterleri men qaýipterine qarsy is-qimyl máselelerin qamtidy. Uly Jeńistiń 80 jyldyǵyn atap ótýge qatysty daiyndyq jumystaryna airyqsha mán berildi», — dep qosty ol.
Sharaǵa Resei, Belarýs, Qyrǵyzstan jáne Tájikstan prezidentteri qatysty. Armeniia premer-ministri Nikol Pashinian Astanaǵa kelmegen siiaqty.
