Qazaqstan Prezidenti Qasym-Jomart Toqaev Tájikstan Prezidenti Emomali Rahmonmen telefon arqyly sóilesti. Bul týraly Aqorda saitynda málim etildi, dep habarlaidy "Ult aqparat".
Prezidentter Qasym-Jomart Toqaevtyń biylǵy 19-20 mamyrda Dýshanbege jasaǵan resmi saparynyń qorytyndysy boiynsha qol jetkizgen ýaǵdalastyqtardyń júzege asyrylý barysyn qarastyrdy.
Eki eldiń kóshbasshylary ózara saýda-sattyqty ulǵaitý, ónerkásip, aýyl sharýashylyǵy, energetika, kólik jáne infraqurylym salalaryndaǵy birlesken jobalardy iske asyrý maqsatynda úkimetterdiń ýaqytyly ári tiimdi is-qimyldarynyń mańyzdy ekenin aitty.
Emomali Rahmon Tájikstanǵa gýmanitarlyq kómek kórsetkeni úshin Qasym-Jomart Toqaevqa alǵys bildirdi.
Memleket basshylary Aýǵanstandaǵy ahýaldyń shielenisýine bailanysty óńirlik turaqtylyq pen qaýipsizdikti qamtamasyz etý máselelerin talqylady. Taraptar ekijaqty formatta da, kópjaqty qurylymdar aiasynda da, sonyń ishinde, áskeri-saiasi sipattaǵy birlesken is-qimyldardy úilestirýge daiyn ekenin atap ótti.
Sondai-aq aldaǵy kezdesýler kestesi talqylandy.
