Búgin QR Prezidenti Qasym-Jomart Toqaev QHR Tóraǵasy Si Tszinpinmen telefon arqyly sóilesti, dep habarlaidy "Ult aqparat" Aqordaǵa silteme jasap.
Qazaqstan Prezidenti koronavirýs pandemiiasynyń taralýyn aýyzdyqtaý jónindegi Qytai basshylyǵynyń batyl ári júieli is-qimyldaryn joǵary baǵalady.
- Búkil álem Qytai meditsinasynyń zor áleýeti men dárigerleriniń joǵary kásibiligine tánti boldy. Jalpy, Qytai Sizdiń basshylyǵyńyzben ortalyqtandyrylǵan basqarýshylyq júieniń zor áleýetin jáne daǵdarys jaǵdaiyn tiimdi sheshýge qabiletti ekenin kórsetti, - dedi Prezident.
Qasym-Jomart Toqaev Qazaqstannyń strategiialyq seriktestik baǵytyn odan ári nyǵaita berýge nietti ekenin jetkizdi. Onyń pikirinshe, osy oraida byltyr qyrkúiekte Beijińde qol qoiylǵan Qazaqstan men Qytai arasyndaǵy uzaq merzimdi jáne jan-jaqty strategiialyq seriktestik týraly deklaratsiianyń máni zor.
- Kórshiles elderimizben aradaǵy osyndai yntymaqtastyq Qazaqstan men Qytai halyqtarynyń ejelgi múddelerine sáikes keledi dep senemin. Biz ekonomikalyq jáne gýmanitarlyq salalarda ózara tiimdi ári paidaly jobalar jasaýǵa kúsh salýymyz qajet, - dep sanaidy Qasym-Jomart Toqaev.
Prezident eki eldiń BUU-daǵy, Shanhai yntymaqtastyq uiymyndaǵy, Aziiadaǵy Ózara Yqpaldastyq jáne Senim sharalary jónindegi Keńestegi tabysty yntymaqtastyǵyn oń baǵalap, sondai-aq, «Bir beldeý - bir jol» mega jobasynyń aiasynda Uly Jibek joly tujyrymdamasyn odan ári iske asyrý barysyndaǵy is-qimyldardyń mańyzy zor ekenin atap ótti.
Si Tszinpin koronavirýstyń taralýy barlyq el úshin kútpegen synaq bolǵanyn aitty. Qytai pandemiiaǵa qarsy álemdik kúreske úlken úles qosty. Qytai basshysy bul iste áli tolyq jeńiske jettik dep sanamaidy. Indettiń ekinshi márte qaitalanbaýy úshin qosymsha sheshimder qabyldaý qajet. QHR Tóraǵasy Si Tszinpin Qazaqstan men onyń basshylyǵyna Qytaiǵa koronavirýske qarsy kúreste kórsetken naqty qoldaýy úshin rizashylyq bildirip: «Sizder «dos qiyn sátte synalady» degen maqaldyń durys ekenin anyq kórsettińizder. Qytai óz tarapynan Qazaqstandy meditsinalyq jabdyqtarmen qamtamasyz etip, gýmanitarlyq kómek kórsetýge daiyn», - dedi.
Qytai memleketiniń basshysy Qazaqstan Prezidentiniń tótenshe jaǵdai kezindegi kóshbasshylyq qasietin joǵary baǵalap, onyń batyl ári der kezinde qabyldanǵan sharalaryna toqtaldy. Si Tszinpinniń aitýynsha, pandemiiada memlekettik shekara degen bolmaidy, búkil álemge óte jyldam qarqynmen taralýda. Sondyqtan «Adamzattyń tarihi taǵdyry bir» tujyrymynyń ózektiligi artyp keledi. Atalǵan tujyrymǵa sáikes barlyq memleket kúlli halyqaralyq qoǵamdastyqty órkendetý jolynda kúsh-jigerin biriktirýi tiis.
- Indet keledi, ketedi. Al dostyq pen yntymaqtastyq - máńgilik qundylyqtar, - dedi QHR Tóraǵasy.
Onyń pikirinshe, Qytai men Qazaqstan barlyq saladardaǵy, ásirese qarjy, indýstriialyq jáne tsifrlyq tehnologiialar siiaqty mańyzdy baǵyttardaǵy yntymaqtastyqty arttyra alady.
Áńgime sońynda Si Tszinpin Elbasy Nursultan Nazarbaevqa júrek jardy sálemin joldady.
