بٷگٸن قر پرەزيدەنتٸ قاسىم-جومارت توقاەۆ قحر تٶراعاسى سي تسزينپينمەن تەلەفون ارقىلى سٶيلەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
قازاقستان پرەزيدەنتٸ كوروناۆيرۋس پاندەميياسىنىڭ تارالۋىن اۋىزدىقتاۋ جٶنٸندەگٸ قىتاي باسشىلىعىنىڭ باتىل ەرٸ جٷيەلٸ ٸس-قيمىلدارىن جوعارى باعالادى.
- بٷكٸل ەلەم قىتاي مەديتسيناسىنىڭ زور ەلەۋەتٸ مەن دەرٸگەرلەرٸنٸڭ جوعارى كەسٸبيلٸگٸنە تەنتٸ بولدى. جالپى, قىتاي سٸزدٸڭ باسشىلىعىڭىزبەن ورتالىقتاندىرىلعان باسقارۋشىلىق جٷيەنٸڭ زور ەلەۋەتٸن جەنە داعدارىس جاعدايىن تيٸمدٸ شەشۋگە قابٸلەتتٸ ەكەنٸن كٶرسەتتٸ, - دەدٸ پرەزيدەنت.
قاسىم-جومارت توقاەۆ قازاقستاننىڭ ستراتەگييالىق سەرٸكتەستٸك باعىتىن ودان ەرٸ نىعايتا بەرۋگە نيەتتٸ ەكەنٸن جەتكٸزدٸ. ونىڭ پٸكٸرٸنشە, وسى ورايدا بىلتىر قىركٷيەكتە بەيجٸڭدە قول قويىلعان قازاقستان مەن قىتاي اراسىنداعى ۇزاق مەرزٸمدٸ جەنە جان-جاقتى ستراتەگييالىق سەرٸكتەستٸك تۋرالى دەكلاراتسييانىڭ مەنٸ زور.
- كٶرشٸلەس ەلدەرٸمٸزبەن اراداعى وسىنداي ىنتىماقتاستىق قازاقستان مەن قىتاي حالىقتارىنىڭ ەجەلگٸ مٷددەلەرٸنە سەيكەس كەلەدٸ دەپ سەنەمٸن. بٸز ەكونوميكالىق جەنە گۋمانيتارلىق سالالاردا ٶزارا تيٸمدٸ ەرٸ پايدالى جوبالار جاساۋعا كٷش سالۋىمىز قاجەت, - دەپ سانايدى قاسىم-جومارت توقاەۆ.
پرەزيدەنت ەكٸ ەلدٸڭ بۇۇ-داعى, شانحاي ىنتىماقتاستىق ۇيىمىنداعى, ازيياداعى ٶزارا ىقپالداستىق جەنە سەنٸم شارالارى جٶنٸندەگٸ كەڭەستەگٸ تابىستى ىنتىماقتاستىعىن وڭ باعالاپ, سونداي-اق, «بٸر بەلدەۋ - بٸر جول» مەگا جوباسىنىڭ اياسىندا ۇلى جٸبەك جولى تۇجىرىمداماسىن ودان ەرٸ ٸسكە اسىرۋ بارىسىنداعى ٸس-قيمىلداردىڭ ماڭىزى زور ەكەنٸن اتاپ ٶتتٸ.
سي تسزينپين كوروناۆيرۋستىڭ تارالۋى بارلىق ەل ٷشٸن كٷتپەگەن سىناق بولعانىن ايتتى. قىتاي پاندەميياعا قارسى ەلەمدٸك كٷرەسكە ٷلكەن ٷلەس قوستى. قىتاي باسشىسى بۇل ٸستە ەلٸ تولىق جەڭٸسكە جەتتٸك دەپ سانامايدى. ٸندەتتٸڭ ەكٸنشٸ مەرتە قايتالانباۋى ٷشٸن قوسىمشا شەشٸمدەر قابىلداۋ قاجەت. قحر تٶراعاسى سي تسزينپين قازاقستان مەن ونىڭ باسشىلىعىنا قىتايعا كوروناۆيرۋسكە قارسى كٷرەستە كٶرسەتكەن ناقتى قولداۋى ٷشٸن ريزاشىلىق بٸلدٸرٸپ: «سٸزدەر «دوس قيىن سەتتە سىنالادى» دەگەن ماقالدىڭ دۇرىس ەكەنٸن انىق كٶرسەتتٸڭٸزدەر. قىتاي ٶز تاراپىنان قازاقستاندى مەديتسينالىق جابدىقتارمەن قامتاماسىز ەتٸپ, گۋمانيتارلىق كٶمەك كٶرسەتۋگە دايىن», - دەدٸ.
قىتاي مەملەكەتٸنٸڭ باسشىسى قازاقستان پرەزيدەنتٸنٸڭ تٶتەنشە جاعداي كەزٸندەگٸ كٶشباسشىلىق قاسيەتٸن جوعارى باعالاپ, ونىڭ باتىل ەرٸ دەر كەزٸندە قابىلدانعان شارالارىنا توقتالدى. سي تسزينپيننٸڭ ايتۋىنشا, پاندەمييادا مەملەكەتتٸك شەكارا دەگەن بولمايدى, بٷكٸل ەلەمگە ٶتە جىلدام قارقىنمەن تارالۋدا. سوندىقتان «ادامزاتتىڭ تاريحي تاعدىرى بٸر» تۇجىرىمىنىڭ ٶزەكتٸلٸگٸ ارتىپ كەلەدٸ. اتالعان تۇجىرىمعا سەيكەس بارلىق مەملەكەت كٷللٸ حالىقارالىق قوعامداستىقتى ٶركەندەتۋ جولىندا كٷش-جٸگەرٸن بٸرٸكتٸرۋٸ تيٸس.
- ٸندەت كەلەدٸ, كەتەدٸ. ال دوستىق پەن ىنتىماقتاستىق - مەڭگٸلٸك قۇندىلىقتار, - دەدٸ قحر تٶراعاسى.
ونىڭ پٸكٸرٸنشە, قىتاي مەن قازاقستان بارلىق سالادارداعى, ەسٸرەسە قارجى, يندۋسترييالىق جەنە تسيفرلىق تەحنولوگييالار سيياقتى ماڭىزدى باعىتتارداعى ىنتىماقتاستىقتى ارتتىرا الادى.
ەڭگٸمە سوڭىندا سي تسزينپين ەلباسى نۇرسۇلتان نازارباەۆقا جٷرەك جاردى سەلەمٸن جولدادى.
