Prezidenttikke kandidat Qasym-Jomart Toqaevtyń qoǵamdyq shtaby Syr boiy turǵyndarymen kezdesti, dep habarlaidy "Ult aqparat" shtabtyń baspasóz qyzmetine silteme jasap.
Qasym-Jomart Toqaevtyń Qyzylorda oblysyndaǵy senimdi ókilderi Nurmurat Ermanov pen Jaǵyppar Qarabala paralimpiadashylarymen kezdesti. Olar sportshylarǵa kandidattyń sailaýaldy baǵdarlamasyn túsindirdi.
Syr óńirinde byltyr alǵash ret múgedekterge arnalǵan sport klýby quryldy. 300-den astam paralimpiadashy sporttyń 15 túrimen turaqty túrde shuǵyldanady. Jetken jetistikteri de az emes. Byltyr Álem, Aziia jáne halyqaralyq básekelerde 20-ǵa jýyq júldeni ielendi. Biyl el birinshiliginde qorjynǵa 14 júlde saldy.
Sonymen qatar, shtab ókilderi Jańaqorǵan aýdanyndaǵy kúkirt qyshqyly zaýytynyń ujymymen de kezdesti.
Kúkirt qyshqylyn óndiretin «SKZ-U» JShS Údemeli indýstrialdy-innovatsiialyq damý baǵdarlamasy aiasynda ashylǵan. Zaýyttyń qýaty kúnine - 1500 tonna, jylyna - 500 myń tonna. Kásiporyn 300-den astam adamdy jumyspen qamtyp otyr. Ónim óndirýde qaldyqsyz jumys isteidi. Ereksheligi - ekologiialyq taza ónim shyǵarady.
Prezidenttikke kandidat Qasym-Jomart Toqaevtyń senimdi ókilderi eńbek ujymyna sailaýaldy baǵdarlamasyn túsindirip, sailaýǵa bir kisidei qatysyp, daýys berýge shaqyrdy.
Kezdesý barysynda jinalǵandar erkin pikir almasyp, senimdi ókilder jumysshylardy tolǵandyrǵan suraqtarǵa jaýap berdi.
