Foto: Aqorda
Memleket basshysy Qasym-Jomart Toqaev kásipkerlikti qoldaý baǵytynda daiyndalyp jatqan qujattar óńirlerdiń naqty qajettilikterin eskerýi kerektigin aitty, dep habarlaidy Ult.kz.
Prezidenttiń aitýynsha, jergilikti ónimge, bilim men zamanaýi tehnologiiaǵa basymdyq berý óz tiimdiligin dáleldep keledi. Osy rette ol Japoniianyń halyqaralyq yntymaqtastyq agenttigi (JICA) men «Atameken» palatasy júzege asyrǵan «Bir aýyl – bir ónim» jobasyn mysal retinde keltirdi.
Memleket basshysy aýyl-aimaqtardan kásipkerlikti damytýǵa qatysty oryndy usynystar jii túsetinin atap ótti. Sonyń biri – qoi men iri qara terisin óńdeitin kásiporyn ashý týraly bastama.
«Nege ekenin qaidam, bul isti Úkimet te, biznes te áli kúnge deiin qolǵa alǵan joq. Al shaǵyn jáne orta biznes bul salaǵa qyzyǵýshylyq tanytyp otyr», – dedi Prezident.
Toqaevtyń aitýynsha, memleket pen biznestiń ortaq jaýapkershilik qaǵidatyna negizdelgen tiimdi seriktestigi aýyldar men shaǵyn qalalardyń damýyna jańa serpin beredi.
