Memleket basshysy Qasym-Jomart Toqaev «Saryarqa» arnaiy ekonomikalyq aimaǵyna bardy, dep habarlaidy Aqorda.
Memleket basshysy Qaraǵandy oblysyna jasaǵan jumys sapary aiasynda «Saryarqa» arnaiy ekonomikalyq aimaǵynyń damý perspektivasymen tanysty.
Oblys ákimi Jeńis Qasymbek Prezidentke arnaiy ekonomikalyq aimaqtaǵy investitsiialyq jobalardyń júzege asyrylý barysy, turaqty jumys oryndaryn ashý, jeke jáne sheteldik investitsiialardy tartý, sondai-aq, Qazaqstan men Germaniianyń birlesken kásipornynyń jumysy týraly baiandady.
Tehnikalyq gaz óndirýmen ainalysatyn «LindeGaz Qazaqstan» JShS-niń, kún elektrostantsiiasy baǵytynda qyzmet etetin «QazSolar-50» JShS-niń, jylý ótkizbeitin qubyrlar óndiretin «Izopliýs» JShS-niń jáne sharly krandar shyǵaratyn «Biomer Armatýra» JShS-niń jetekshileri Memleket basshysyna óz zaýyttarynyń jumysy jáne ónim óndirý kólemin ulǵaitý jónindegi josparlary jaiynda aqparat berdi. Sonymen qatar búkil álemde qalyptasqan ekonomikalyq ahýaldy eskere otyryp, pandemiia kezindegi jumys jaǵdaiy, biznestiń áleýmettik jaýapkershiligi men qaiyrymdylyq isteri týraly egjei-tegjeili baiandady.
Qasym-Jomart Toqaev «Qazsolar-50» kompaniiasynyń ókilimen áńgime barysynda jańartylatyn energiia kózderine qatysty jobalardy júzege asyrýdyń mańyzdylyǵyna nazar aýdardy.
«Balama elektr energiiasy baǵytyn qoldaimyn. Joldaýda birtindep kómirtek paidalanýdy azaitý saiasatyn júrgizý kerek ekenin aittym. Bul baǵyttyń bolashaǵy zor. Búkil álem atalǵan baǵytta damyp jatyr. Men Germaniiaǵa barǵanymda osy taqyrypta nemis kompaniialarynyń jetekshilerimen sóilestim. Jalpy olarmen yntymaqtastyqqa nazar aýdarý kerek dep sanaimyn. Kún elektr energiiasy bolashaqta birqatar problemany sheshe alatyn qýatty kózge ainalady. Ol sonysymen tartymdy», – dedi Prezident.
Sodan keiin Prezident kanadalyq zamanaýi tehnologiia boiynsha ónim shyǵaratyn «Steel Manufacturing» JShS-niń óndiris aýmaǵyn aralap kórdi. Zaýyt jylyna latýnnan jasalǵan 30 million buiym shyǵarady.
