Foto: Aqorda
Memleket basshysy Qasym-Jomart Toqaev jańa Salyq kodeksin ázirleý jáne salyq reformasy jaiynda pikir bildirdi. Prezidenttiń aitýynsha, elimizde salyq saiasatyn qatańdatý emes, retke keltirý mindeti qoiylǵan, dep habarlaidy Ult.kz.
«Qazirgi Salyq kodeksi túsiniksiz jáne tym kúrdeli. Onda kóptegen ózgertýler men erekshelikter bar. Bul qujatty kásipkerler de, memlekettik qyzmetkerler de ártúrli túsinip, óz paidasyna qarai qoldanady,» – dedi Toqaev.
Memleket basshysy salyq jeńildikteri keibir kásipkerler úshin artyqshylyqqa ainalǵanyn, al basqalarǵa bul ádiletsiz jaǵdai týdyrǵanyn atap ótti. Burynǵy jeńildikter ekonomikanyń belgili bir salalaryn qoldaýǵa arnalǵanymen, qazirgi tańda olardy salyqtan jaltarý úshin qoldaný faktileri kóbeigen.
Qazirgi tańda Parlamentte jańa Salyq kodeksi qaralýda. Prezidenttiń pikirinshe, bul qujat biznes pen memlekettiń múddesin eskerip, ashyq ári turaqty salyq júiesin qalyptastyrýǵa múmkindik beredi.
«Qosymsha salyq túsimderi jańa mektepter, aýrýhanalar jáne basqa da áleýmettik nysandar salýǵa jumsalady. Bul azamattardyń ál-aýqatyn arttyryp, ekonomikanyń ósýine yqpal etedi,» – dep túsindirdi Toqaev.
Sonymen qatar, Prezident el ishindegi birliktiń mańyzdylyǵyn atap ótti:
«Yrys yntymaqty elge barady. Uiysa bilgen ulttyń upaiy túgel. Sondyqtan jurtty ortaq maqsatqa jumyldyrý óte mańyzdy,» – dedi Memleket basshysy.
Jańa Salyq kodeksi Qazaqstan ekonomikasyn jańa deńgeige kóterip, investitsiialyq áleýetin kúsheitýge septigin tigizedi dep kútilýde.
