فوتو: اقوردا
مەملەكەت باسشىسى قاسىم-جومارت توقاەۆ جاڭا سالىق كودەكسٸن ەزٸرلەۋ جەنە سالىق رەفورماسى جايىندا پٸكٸر بٸلدٸردٸ. پرەزيدەنتتٸڭ ايتۋىنشا, ەلٸمٸزدە سالىق ساياساتىن قاتاڭداتۋ ەمەس, رەتكە كەلتٸرۋ مٸندەتٸ قويىلعان, دەپ حابارلايدى Ult.kz.
«قازٸرگٸ سالىق كودەكسٸ تٷسٸنٸكسٸز جەنە تىم كٷردەلٸ. وندا كٶپتەگەن ٶزگەرتۋلەر مەن ەرەكشەلٸكتەر بار. بۇل قۇجاتتى كەسٸپكەرلەر دە, مەملەكەتتٸك قىزمەتكەرلەر دە ەرتٷرلٸ تٷسٸنٸپ, ٶز پايداسىنا قاراي قولدانادى,» – دەدٸ توقاەۆ.
مەملەكەت باسشىسى سالىق جەڭٸلدٸكتەرٸ كەيبٸر كەسٸپكەرلەر ٷشٸن ارتىقشىلىققا اينالعانىن, ال باسقالارعا بۇل ەدٸلەتسٸز جاعداي تۋدىرعانىن اتاپ ٶتتٸ. بۇرىنعى جەڭٸلدٸكتەر ەكونوميكانىڭ بەلگٸلٸ بٸر سالالارىن قولداۋعا ارنالعانىمەن, قازٸرگٸ تاڭدا ولاردى سالىقتان جالتارۋ ٷشٸن قولدانۋ فاكتٸلەرٸ كٶبەيگەن.
قازٸرگٸ تاڭدا پارلامەنتتە جاڭا سالىق كودەكسٸ قارالۋدا. پرەزيدەنتتٸڭ پٸكٸرٸنشە, بۇل قۇجات بيزنەس پەن مەملەكەتتٸڭ مٷددەسٸن ەسكەرٸپ, اشىق ەرٸ تۇراقتى سالىق جٷيەسٸن قالىپتاستىرۋعا مٷمكٸندٸك بەرەدٸ.
«قوسىمشا سالىق تٷسٸمدەرٸ جاڭا مەكتەپتەر, اۋرۋحانالار جەنە باسقا دا ەلەۋمەتتٸك نىساندار سالۋعا جۇمسالادى. بۇل ازاماتتاردىڭ ەل-اۋقاتىن ارتتىرىپ, ەكونوميكانىڭ ٶسۋٸنە ىقپال ەتەدٸ,» – دەپ تٷسٸندٸردٸ توقاەۆ.
سونىمەن قاتار, پرەزيدەنت ەل ٸشٸندەگٸ بٸرلٸكتٸڭ ماڭىزدىلىعىن اتاپ ٶتتٸ:
«ىرىس ىنتىماقتى ەلگە بارادى. ۇيىسا بٸلگەن ۇلتتىڭ ۇپايى تٷگەل. سوندىقتان جۇرتتى ورتاق ماقساتقا جۇمىلدىرۋ ٶتە ماڭىزدى,» – دەدٸ مەملەكەت باسشىسى.
جاڭا سالىق كودەكسٸ قازاقستان ەكونوميكاسىن جاڭا دەڭگەيگە كٶتەرٸپ, ينۆەستيتسييالىق ەلەۋەتٸن كٷشەيتۋگە سەپتٸگٸن تيگٸزەدٸ دەپ كٷتٸلۋدە.
