Memleket basshysy Qasym-Jomart Toqaev qazaqstandyqtardy Rojdestvo merekesimen quttyqtady, dep habarlaidy Aqordanyń baspasóz qyzmeti.
"Ult aqparat" oqyrman nazaryna Prezident joldaǵan quttyqtaý mátinin usynady.
***
Qymbatty qazaqstandyqtar!
Elimizdiń pravoslav hristiandaryn Rojdestvo merekesimen quttyqtaimyn!
Tarihy kóne ǵasyrlardan bastaý alatyn bul meiram azamattardy adamgershilik, meiirimdilik jáne baýyrmaldyq siiaqty máńgilik qundylyqtardyń qadir-qasietin tereń uǵynýǵa shaqyrady.
Konfessiiaaralyq kelisim – memleketimizdiń tabysty damýynyń mańyzdy faktorlarynyń biri. Biz elimizdi myzǵymas bereke-birliktiń rýhyna sáikes órkendetip, bolashaqqa nyq qadam basyp kelemiz.
Qazaqstan qoǵamynyń ajyramas bóligi sanalatyn pravoslav hristiandary táýelsizdigimizdi nyǵaitýǵa mol úles qosýda. Biz halqymyzdyń ál-aýqatyn arttyrý úshin birge qajyrly eńbek ete beremiz.
Barlyq pravoslav hristiandaryna amandyq jáne baq-bereke tileimin!
Elimizde árdaiym beibitshilik pen birlik bolsyn!
