Memleket basshysy «Astana» halyqaralyq qarjy ortalyǵynyń alańynda Resei Úkimeti basshysynyń orynbasary Aleksei Overchýk pen «Sberbank» BAQ prezidenti, basqarma tóraǵasy German Gref bastaǵan reseilik delegatsiiamen kezdesti, dep habarlaidy Aqorda.
Is-shara barysynda reseilik delegatsiia ókilderi Qazaqstan Prezidentine tsifrlyq sheshimderdiń jobalary, tsifrlandyrý salasyndaǵy keshendi ázirlemeleri jaiynda egjei-tegjeili aityp, Sber ekojúiesin paidalaný tájiribesimen bólisti.
Budan keiin Qasym-Jomart Toqaev Qazaqstan Úkimetiniń basshylarymen jáne reseilik delegatsiia ókilderimen ekojúielerdi tehnologiialyq turǵydan damytý, memlekettik qyzmet kórsetý salasyn tsifrlandyrý máseleleri boiynsha ekijaqty is-qimyl jóninde pikir almasty.
Kezdesý sońynda Memleket basshysynyń qatysýymen Qazaqstan men Resei tarapy tsifrlandyrý salasyndaǵy yntymaqtastyq týraly memorandýmǵa qol qoidy.
