12 qazanda Nurlan Ábdirovtiń tóraǵalyǵymen Qasym-Jomart Toqaevty Qazaqstan Respýblikasy Prezidenttigine kandidat retinde tirkeý máselesi boiynsha Ortalyq sailaý komissiiasynyń otyrysy ótti, dep habarlaidy "Ult aqparat" OSK baspasóz qyzmetine silteme jasap.
Kún tártibindegi másele boiynsha Ortsailaýkom hatshysy Muhtar Erman baiandama jasady. Ol 7 qazanda Ortalyq sailaý komissiiasyna birqatar respýblikalyq qoǵamdyq birlestik Qasym-Jomart Kemeluly Toqaevty Qazaqstan Respýblikasy Prezidenttigine kandidat etip usyný týraly qujattardy usynǵanyn habarlady.
Ortalyq sailaý komissiiasyna kandidatty tirkeý úshin mynadai qujattar usynylǵan:
- Prezidenttikke kandidat Qasym-Jomart Kemeluly Toqaevtyń aktivter men mindettemeler jóninde deklaratsiia tapsyrǵany týraly Memlekettik kirister organynyń anyqtamasy;
- Prezidenttikke kandidat Qasym-Jomart Kemeluly Toqaevtyń ony tirkeýge kedergi keltiretin aýrýlardyń joqtyǵy týraly meditsinalyq qorytyndysy;
- oblystardyń, respýblikalyq mańyzy bar qalalardyń jáne Qazaqstan Respýblikasy astanasynyń aýmaqtyq sailaý komissiialarynyń Prezidenttikke kandidat Qasym-Jomart Kemeluly Toqaevty qoldap jinalǵan azamattardyń qoldaryn tekserý nátijeleri týraly hattamalary.
"Hattamalarǵa sáikes Prezidenttikke kandidat Q.K. Toqaevtyń qoldaýyna Qazaqstannyń barlyq 20 óńirinen 399 809 azamattyń qoly jinaldy. Qazaqstan Respýblikasy Prezidenttigine kandidatty qoldaý úshin ras qoldardyń qajetti qoldar sany shegine jetýine bailanysty (keminde 118 273 qol, QR OSK № 69/549 Qaýlysy) tekserý toqtatyldy.
Q.K. Toqaevty Prezidenttikke kandidat retinde tirkeýge qajetti barlyq qujattar Ortalyq sailaý komissiiasyna usynyldy jáne olarǵa qoiylatyn talaptarǵa tolyq sáikes keledi.
Otyrys qorytyndysy boiynsha QR OSK qaýlysymen Qasym-Jomart Kemeluly Toqaev 2022 jylǵy 20 qarashaǵa taǵaiyndalǵan Qazaqstan Respýblikasy Prezidentiniń kezekten tys sailaýynda Qazaqstan Respýblikasy Prezidenttigine kandidat bolyp tirkelip, tiisti kýálik berildi" - delingen habarlamada.
