Foto: Aqorda
Vashingtondaǵy Aq úide Qazaqstan Prezidenti Qasym-Jomart Toqaev pen Amerika Qurama Shtattarynyń Prezidenti Donald Tramp arasynda joǵary deńgeidegi kelissózder ótti, dep habarlaidy Ult.kz.
Kezdesý barysynda taraptar jalpy quny 17 milliard dollardan asatyn kommertsiialyq kelisimderge qol qoiyp, eki el arasyndaǵy keńeitilgen strategiialyq seriktestikti damytý jóninde ýaǵdalasty.
Qasym-Jomart Toqaev AQSh Prezidentine Vashingtonǵa saparmen kelýge shaqyrǵany jáne qazaqstandyq delegatsiiaǵa kórsetken jyly qabyldaýy úshin rizashylyǵyn bildirdi. Ol Donald Tramptyń basshylyǵymen AQSh-tyń álemdik ekonomika, saiasat jáne tehnologiia salasyndaǵy jetekshi rólin nyǵaita túskenin atap ótti.
«Amerika kóshbasshysy álemdegi qaýipsizdik pen turaqtylyqty qamtamasyz etýde mańyzdy ról atqarady. Qazaqstan AQSh Prezidentiniń bitimgerlik bastamalaryn tolyq qoldaidy», – dedi Memleket basshysy.
Toqaev sonymen birge «Tramptyń halyqaralyq beibitshilik jáne órkendeý joly (TRIPP)» bastamasynyń mańyzdylyǵyn erekshe atap ótip, bul joba Orta dálizdi damytý men jahandyq ekonomikalyq bailanystardy kúsheitýge sep bolatynyn aitty.
Óz kezeginde Donald Tramp AQSh-tyń Qazaqstanmen kópjosparly ári uzaqmerzimdi strategiialyq seriktestikti tereńdetýge múddeli ekenin rastady.
Kelissózder barysynda eki el arasyndaǵy investitsiialyq yntymaqtastyq, energetika, kólik jáne joǵary tehnologiialar salalaryndaǵy jobalar, sondai-aq halyqaralyq kún tártibindegi ózekti máseleler jan-jaqty talqylandy.
Aq úidegi kezdesýdiń qorytyndysy boiynsha Qazaqstan men AQSh arasyndaǵy ózara senim men seriktestik jańa deńgeige kóterildi.
Aita keteiik, Qazaqstan men AQSh mańyzdy mineraldar salasynda áriptestikti kúsheitedi.
