Memleket basshysy Qasym-Jomart Toqaev Ózbekstan Prezidenti Shavkat Mirziioevpen telefon arqyly sóilesti, dep habarlaidy "Ult aqparat" Aqordaǵa silteme jasap.
Memleket basshylary eki el arasyndaǵy saýda-ekonomikalyq yntymaqtastyqtyń qarqyndy damyp kele jatqanyn atap ótti. Biylǵy bes aidyń ishinde ekijaqty saýda kólemi 46 paiyzǵa artqan. Investitsiialyq, kólik-logistikalyq jobalar júzege asyrylýda, jańa aviatsiialyq baǵyttar ashylýda. Qazaqstan men Ózbekstan halyqaralyq, óńirlik alańdarda bir-birimen tyǵyz bailanys jasaidy.
Qasym-Jomart Toqaev jýyrda Tashkentte ótken Ortalyq Aziia jáne Ońtústik Aziia elderi arasyndaǵy yntymaqtastyq máseleleri jónindegi halyqaralyq konferentsiianyń qorytyndylaryna joǵary baǵa berdi.
Eki el basshylary Aýǵanstandaǵy jaǵdaidy jáne onyń óńirlik qaýipsizdik úshin yqtimal saldaryn jan-jaqty talqylady. Qasym-Jomart Toqaev pen Shavkat Mirziioev atalǵan problema boiynsha ortaq túsinik bar ekenin atap ótti.
Memleket basshysy Ózbekstan Prezidentiniń Qazaqstanǵa jasaityn aldaǵy resmi sapary eki el arasyndaǵy yntymaqtastyqty odan ári damytýda mańyzdy oqiǵa sanalatynyn aitty.
Sonymen qatar Qasym-Jomart Toqaev Shavkat Mirziioevti týǵan kúnimen quttyqtap, ózbek halqynyń moiyndalǵan kóshbasshysyna zor densaýlyq, qut-bereke jáne baýyrlas Ózbekstan halqynyń igiligi jolyndaǵy qyzmetine tabys tiledi.
