Foto:khabar.kz
El prezidenti Qasym-Jomart Toqaev Qazaqstan halqynyń jáne jeke óziniń atynan Ábdel Fattah As-Sisi men mysyrlyqtardy osy eldiń ulttyq meiramy – Revoliýtsiia kúnimen quttyqtady, dep habarlaidy "Ult Aqparat".
«Qazaqstan men Mysyr arasyndaǵy ortaq rýhani qundylyqtar men jan-jaqty ózara yntymaqtastyqqa negizdelgen dástúrli qatynastardyń órisi keńeigenin zor rizashylyqpen atap ótemin. Halyqtarymyzdyń igiligi úshin ekijaqty jáne kópjaqty formattardaǵy seriktestigimiz bolashaqta da óziniń jalǵasyn taýyp, qarqyndy dami beretinine kámil senemin», – dep jazylǵan jedelhatta.
Qasym-Jomart Toqaev Ábdel Fattah As-Sisidiń jaýapty qyzmetine tolaǵai tabys, al baýyrlas mysyr halqyna qut-bereke tiledi.
