Prezident Qasym-Jomart Toqaev Memlekettik hatshy Qyrymbek Kósherbaevty qabyldady, dep habarlaidy Aqorda.
Prezidentke búkilálemdik pandemiiaǵa qaramastan uly Abaidyń 175 jyldyǵy, Ál-Farabidiń 1150 jyldyǵy, Altyn ordanyń (Ulyq Ulys) 750 jyldyǵy jáne TMD elderiniń biylǵy mádeni astanasy Shymkent qalasynyń 2200 jyldyǵyna arnalǵan is-sharalardyń mazmundy túrde júzege asýy týraly aqparat berildi.
Kezdesýde Memleket basshysy kelesi jyly ótetin Táýelsizdiktiń 30 jyldyǵyna daiyndyq máselesine erekshe kóńil bólý qajet ekenin atap ótti.
Qasym-Jomart Toqaev Saiasi qýǵyn-súrgin qurbandaryn tolyq aqtaý jónindegi arnaiy memlekettik komissiiaǵa kezinde qazaq halqynyń basynan ótken asharshylyq qasireti týraly is-sharalar qabyldaýdy mindettedi.
Sonymen qatar Memlekettik hatshy qazaq tilin latyn álipbiine kóshirý jáne memlekettik tildiń fýnktsionaldyq mártebesin kóterý jónindegi usynys-pikirlerdi baiandady. «Rýhani jańǵyrý» baǵdarlamasyn ultty jańǵyrtý baǵdarlamasy retinde jalǵastyrý qajettigi atap ótildi.
Prezident Memlekettik hatshyǵa 1 qyrkúiektegi Qazaqstan halqyna arnaǵan Joldaýynda aitylǵan áleýmettik máselelerdi sheshýde ortalyq jáne jergilikti atqarýshy organdardyń jumysyn úilestirýdi baqylaýda ustaýdy tapsyrdy.
